JOSUA 1:15 - Pathien Lekhabu Inthieng (BSI)

¹⁵ Lalpain in unauhai khawm chu nangni ang bawka châwlna a pêka, Lalpa in Pathienin ram a pêk chu anni khawma an hluo ve hmakhat chun; chuongchun, Lalpa siehlaw Mosiein Jordan râl, nisa suokna tieng ram in puola a lo pêk ta cheu tieng chun kîr nâwk in ta, in la hluo ding a nih,” tiin, a hril a.

JOSUA 1:15 Iomraidhean Croise

1 KORINTH 12:26

Chuongchun, pêng khatin a tuor chun, pêng po poin an tuorpui hlak, pêng khat chawimawia a um chun, pêng po poin an lâwmpui hlak.

1 KORINTH 13:5

a châng mawinaw ngai naw a, mâni hma a siel naw a, a lunginsen nuom naw a, suol tiengah a ngaituo naw a,

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

GALATI 6:2

In rikphurhai chu insâwngtuo ro; chuongchun, Krista dân chu in zâwm nîng a tih.

DÂN PAHNINA 3:18

“Chun, chuong lai chun ‘Lalpa in Pathienin in chanpuol dingin hi ram hi a pêk cheu a nih, Israel thla, in unauhai hmaah in mi huoisenhai po po chu inrâlthuomin hang fe ve raw hai seh.

DÂN PAHNINA 3:20

nangni anga in unauhai chu Lalpain râlmuonga a siem hma le Lalpa in Pathienin Jordan râla ram a pêk chu an hluo ve hmakhat chun; chuongchun, in puol seng dinga ka pêk seng cheua hin in hung nâwk seng ding annâwm,’ tiin thu ka pêk cheu a.

DÂN PAHNINA 9:1

“Aw Israel mihai, ngai ta u, in nêka ropui le thilthawthei lem hnam, khawpui vân tawnga kul nei le ropuitakhai chu va hluo dingin tuhin Jordan chu in kai ding a ni ta a,

PHILIPPI 2:4

Mâni ta chau en lovin, mi dang ta khawm en seng lem ro.

JOSUA 1:1

Lalpa siehlaw Mosie chu a thi hnung chun, Mosie rawngbâwltu Nun naupa Josua kuoma chun Lalpain,

JOSUA 1:14

In nuhmeihai, in nau le tehai le in ran ruolhai hi chu Jordan râla Mosiein ram a lo pêka cheu chun um an ta; nangni mi hrât huoihai po chu inrâlthuomin lo kai hmasâng in ta, in unauhai lo ṭhangpui in ta;

JOSUA 1:16

Anni chun Josua chu an dawn a, “Thaw dinga i thu mi pêkhai po po chu thaw pei kan tih.

JOSUA 22:1

Chuongchun, Josua chun, Reuben mihai, Gad mihai le Manasse hnam zâtve hai chu a ko a,