JOHAN 9:39 - Pathien Lekhabu Inthieng (BSI)

³⁹ Chun, Isûn, “Rorêl dinga hi khawvêla hin hung ka nih, mitdelhai chu an mit a hung varna ding le, mitvarhai chu an mit a hung indelna dingin,” a ta.

JOHAN 9:39 Iomraidhean Croise

ISAI 29:10

Lalpa chun îmu hêna thlarau chu in chungah a buok a, in mit, zâwlneihai chu, ân sîmtir a; in lu, hmutheituhai chu, ân khum ta si a.

ISAI 44:18

An hriet naw a, an ngaituo bawk nawh; ama chun an hmu thei nawna dingin ân sîmtir ta si a; an hrietthiem nawna dingin an lungril khawm a khârpêk ta a.

ISAI 6:9

Chuongchun, kei chun, “Kei hitaka hin ka um, mi tir ta la,” ka ti a. Chun, ama chun, “Fe la, hi chihai hi hril rawh, ‘Na chun a hriet chu hre unla, a ngaina ruok chu hre naw ro; a hmu chu hmu unla, a hriet chu hre naw ro,’ tiin.

EZEKIEL 12:2

“Mihriem naupa, nang sûngkaw hel hmang, hmûna dinga mithai nei si a, hmu lohai, hrietna dinga nahai nei si a, hre lohai laia chêng, sûngkaw hel hmang an ni si a.

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

MATTHAI 6:23

I mit a se ruok chun i taksa a rêngin inthim vawng a tih. Chuongchun, i sûnga var chu inthim ni sien chu, inthim chu a va nasa awm ngei de!

LUKA 1:79

Inthim lai le thina hlima inṭhunghai ên ding le, Thlamuongna lampuia ei kehai mîn pêntir dingin,” tiin.

LUKA 13:30

Chun, ngai ta u, a nuhnungtakhai khawm a hmasataka um ding an um a, a hmasatakhai khawm, a nuhnungtaka um ding an um,” a ta.

LUKA 2:34

Chun, Simeon chun mal a sâwmpêk a, a nu Mari kuomah, “Ngai rawh, hi naupang hi Israel lai mi tamtak tlûkna ding le ngîrsuokna dinga ruot a nih, mi isawisêl ding inchikna ni bawk dingin:

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

LUKA 7:21

Chun, chuong lai tak chun Isûn damnaw dâm, hripui invawihai, khawhri imanhai tamtak a sukdam a, mitdel tamtak khawm an mit a sukvar a.

JOHAN 12:31

Tuhin hi khawvêl hi ngaituo lai a nih; tuhin hi khawvêl lal hi pei suok nîng a tih.

JOHAN 12:46

êntu dinga khawvêla hung ka nih, a mi ring taphawt chu inthima an um zing nawna dingin.

JOHAN 3:17

Khawvêl thiemnaw inchangtir dingin Pathienin a Nau khawvêlah a tir nawh, khawvêl ama leia an dam theina dingin a tir a ni lem.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

JOHAN 8:15

Nangnîn tisa dânin in sawisêl hlak; kei ruok chun tukhawm ka sawisêl nawh.

JOHAN 9:25

Ama chun, “Mi suol a ni le ni naw ka hriet nawh, kawng khat ka hriet, kha hma khan ka mit ân del a, tuhin ka hmu thei ta hi,” a ta, a dawn a.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

2 KORINTH 2:16

pâwl khathai ta ding chun, thinaa inthawka thina ding rim kan lo ni a, pâwl danghai ta ding chun, hringnaa inthawka hringna ding rim kan lo nih.

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

2 THESSALONIKA 2:10

bohmang zinghai dinga fel nawna hlêmna tinrêng leh nîng a tih, sandama an um theina dinga thutak hmangaina chu an pawm naw leiin.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

1 JOHAN 2:11

Mâni unau theidatu ruok chu inthimah a um a, inthimah ân vâk bawk a nih; inthimin a mit a sukdel ta leiin a fena khawm a hriet ngai nawh.