JOHAN 9:24 - Pathien Lekhabu Inthieng (BSI)

²⁴ Chuongchun, mitdel chu an ko nâwk a, a kuomah, “Pathien inpâk rawh, ama kha chu mi suol a nih ti kan hriet,” an ta.

JOHAN 9:24 Iomraidhean Croise

EZRA 10:11

Chuleiin, tuhin, in thlatuhai Pathien Lalpa kuoma chun thuphachawina siem unla, a dit zâwng chu thaw ro: chuongchun, hmêlmak nuhmeihaia inthawk le hi ram mihaia inthawkin nangni chu insiehre ro,” a ta.

ISAI 66:5

A thua inthin hlakhai, Lalpa thu hi hre ro, “In unau, nangni theidatu le ka hming leia nangni hnawt suoktuhai cheu chun, ‘In lâwmna kan hmu theina dingin Lalpa chu sukropuiin um raw se,’ an ti a, nisienlakhawm, inzak lem tâng an tih.

MARKA 15:27

Chun, ama ruol chun suomhmang pahni an hemde ve a, a changtieng pakhat, a vawitieng pakhat.

LUKA 15:2

Chun, Pharisaihai le Dân inchûktirtuhai chun, “Hi mipa hin mi suolhai a pâwl a, an kuoma hai bu a fâk ve hlak,” tiin an chier ve ve a.

LUKA 19:7

Chun, chu chu an hmu phingleh an rêngin, “Mi suol kuoma tlung dingin a lût ta saw,” an ti a, an chier a.

LUKA 7:39

Chun, a fieltu Pharisai chun a hmu chun, a lungrilin, “Hi mipa hi zâwlnei a ni chun a themtu nuhmei hi tu am a ni, mi ieng ang am a ni hre âwm tak, mi suol a ni si a,” a ta.

JOHAN 14:30

In kuomah thu hril nâwk mang ta naw ning, khawvêl lal a hung ding a ni si a, ama chun keimaah iengkhawm a nei nawh,

JOHAN 16:2

Inkhâwmna inahai inhnawngtir an ti cheu a, anih, tûkhawm a sukhlumtuhai cheu chun Pathien chungah thilṭha thawin inhrieng an tih, chuong ang hun chu a tlung ding a nih.

JOHAN 18:30

Anni chun a kuomah, “Hi mipa hi mi suol ni naw sien chu i kuomah hung ṭhuoi naw ning ungah,” an ta, an dawn a.

JOHAN 19:6

Chun, thiempu lalhai le manmihai chun ama an hmu phingleh an khêk a, “Krawsah hemde rawh, krawsah hemde rawh,” an ta. Pilatin an kuomah, “Nangnîn fepui unla, krawsah hemde ro; kei chu ieng khawm a suolna ka hmu si nawh,” a ta.

JOHAN 5:23

mi po poin Pa an inza angin Naupa khawm an inzana dingin. Tûkhawm Naupa inza naw chu Pa, ama tirtu inza naw a nih.

JOHAN 8:46

Nangni lai tûin am suol kawngah thiemnaw mîn changtir a ta? Thutak ka hril khawmin nangnîn iengdinga in mi ring naw am a na?

JOHAN 8:49

Isûn, “Khawhri zâwl ka ni naw ie, ka Pa ka chawimawi a ni lem; nangnîn ka hming in suksiet hi.

JOHAN 9:16

Chun, Pharisai ṭhenkhatin, “Chu mipa chu châwlni a hlutsak naw leiin Pathien kuoma inthawka suok ni naw ni,” an ta. Ṭhenkhat ruok chun, “Mi suolin iengtin am hieng ang thilmak hi thaw thei a ta?” an ta. Anni lai inṭhena a hung um ta a.

JOHAN 9:25

Ama chun, “Mi suol a ni le ni naw ka hriet nawh, kawng khat ka hriet, kha hma khan ka mit ân del a, tuhin ka hmu thei ta hi,” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât naw a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

JOSUA 7:19

chu naupa Akan chu man a lo ni ta a. Josua chun Akan kuoma chun, “Ka naupa, Lalpa Israelhai Pathien chu ropuina pe rawh, a kuoma chun inphuong raw khai; i thilthaw chu mi hang hril ta, ka kuoma chu ip naw raw khai,” a ta.

THUPUONGSUO 11:13

Chun, chu lai tak chun simkhawleihnuoi nasatakin a hung inhnîng a, khuo chu hmun sâwma ṭhea hmun khat a chim ta a, simkhawleihnuoi inhnînga chun mi sâng sari an thi a; a danghai chun an ṭi a, vân Pathien chu an chawimawi ta a.