JOHAN 9:18 - Pathien Lekhabu Inthieng (BSI)

¹⁸ Nisienlakhawm, Judahaiin mitvarna hmutu nu le pa chu an ko hmakhat chu mitdel a na, mitvarna a hmu ti, a chungchâng thu chu an awi naw a.

JOHAN 9:18 Iomraidhean Croise

INṬANNA 19:14

Chuongchun, Lota chu a fe suok a, a naunuhmeihai neitu a mâkpahai kuoma chun a va hril a, “Tho unla, hi hmuna inthawk hin suok ro; Lalpain khuo hi a sukbohmang ding a nih,” a ti a. Nisienlakhawm, a mâkpahai ngaia chun fiemthu hril ang chau a nih.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 53:1

Kan thuhril tuin am a ring a? Lalpa kut chu tu kuom am ân lang a?

LUKA 16:31

Chun, ama chun a kuomah, ‘Mosie le zâwlneihai thu an awi naw chun, mithi laia mi tho nâwk sienla khawm awi chuong naw ni hai,’ a ti a,” a ta.

JOHAN 1:19

Chun, Judahaiin, “Tû am i na?” tia indawn dingin Jerusalema inthawkin a kuomah thiempuhai le Levi chia mihai an tir lai khan, hieng hi Johan thu lo inhriettir chu a nih:

JOHAN 5:44

“Nangni inchawimawituo lâwmhai, iengtin am ring thei in ta? Pathien tak chaua suok chawimawina chu in zawng si nawh.

JOHAN 9:19

Chun, a nu le pa kuoma chun, “Hi mipa hi in naupa, mitdel saa pieng a nih in ti kha a ni am a nih? Iengtin am tuhin a hmu thei ta a?” tiin an indawn a.

JOHAN 9:22

Judahai an ṭi leiin a nu le pa chun chuong thu chu an hril a nih; Judahaiin, chu hma khawm chun tûkhawmin “Ama chu Krista a nih,” tia an ṭan chun, inkhâwmna inah hnawng an tih ti hi an remti sa a na.

HEBRAIHAI 4:11

Chuongchun, tûkhawm chu thuawi nawna leia an tlûk anga ei tlûk nâwna dingin, chu châwlnaa lût ding chun ṭhahnem ngai ei tiu.