JOHAN 8:48 - Pathien Lekhabu Inthieng (BSI)

⁴⁸ Chun, Judahai chun a kuomah, “Samari mi khawhri zâwl i nih kan ti kha kan ti indik ngawt a ni naw am a nih?” an ta, an dawn a.

JOHAN 8:48 Iomraidhean Croise

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

MATTHAI 10:25

Inchûktir chu inchûktirtu anga a hung um le, suok chu a pu anga a hung um chu a hun deh. In neitupa hman Beelzebub an ti chun, a sûnghai chu an va ti nasa awm deh e!

MATTHAI 10:5

Chuong sâwm le pahni hai chu Isûn a tir suok a, an kuomah thu a pêk a: “Jentailhai lampuiah fe naw unla, Samari mihai khuo hrim hrima khawm lût naw ro;

MATTHAI 11:18

“Johan chu a hung a, a fâkin a dâwn naw a, ‘Khawhri a zâwl a ni hi,’ an ta.

MATTHAI 12:24

Nisienlakhawm, Pharisaihaiin chu chu an hriet phingleh, “Hi mipa hin khawhri lal Beelzebub lei naw chun khawhrihai hnawt dawk naw ni,” an ta.

MATTHAI 12:31

“Chuleiin, ka ti cheu hi, mi an suolna tinrênga le, Pathien an hrilsietna tinrênga chun ngaidam nîng an ta, Thlarau Inthieng meu hrilsetu ruok chu ngaidam ni naw ni hai.

MATTHAI 15:7

Vervêkhai Isai hin in chungchâng thu a lo hrillâwk indik ngei el:

JOHAN 1:19

Chun, Judahaiin, “Tû am i na?” tia indawn dingin Jerusalema inthawkin a kuomah thiempuhai le Levi chia mihai an tir lai khan, hieng hi Johan thu lo inhriettir chu a nih:

JOHAN 10:20

Mi tamtakin, “Khawhri a zâwl a, ân vêt a ni hi; iengdinga a thu in ngai am a na?” an ta.

JOHAN 13:13

Nangnîn Inchûktirtu le Lalpa in mi ti hlak; in ti indik hle, ka ni ngei hrim a.

JOHAN 4:9

Chuongchun, Samari nuhmei chun a kuomah, “Nang Juda mi i na, kei Samari nuhmei ka ni si a, iengtizie am a na, ka kuoma dâwn ding i hnih?” a ta. (Judahaiin Samari mihai ieng khawm an inṭâwmpui ngai si nawh.)

JOHAN 7:20

Chun, mipui chun, “Khawhri zâwl i ni hi, tuin am sukhlum a tum che leh?” an ta, an dawn a.

JOHAN 8:22

Chun, Judahaiin, “ ‘Ka fena dingah hung thei naw ti niu,’ a ti hi ân sukhlum ding am a nih?” an ta.

JOHAN 8:52

Judahaiin a kuomah, “Khawhri zâwl i nih ti tuhin kan hriet tah. Abraham a thi tah, zâwlneihai leh, nangin, ‘Miin ka thu a zâwm chun, kumkhuoin thina intem naw nih,’ i ti si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:3

Krista khawm chun mâni lâwmna a zawng si naw a. “Nangma haltuhai halna che chu keia chungah a tla tah,” ti ziek ang khan a um lem.

HEBRAIHAI 13:13

Chuongchun, ama an hmusitna chu phurin khawhnâwmah a kuom tieng fe suok vêng ei tiu.

JAKOB 2:19

Pathien chu pakhat a ni ti i ring a ni maw? I ti ṭha, khawhrihai khawmin an ring a, an inthin hlak a nih,” tîng a tih.