JOHAN 8:32 - Pathien Lekhabu Inthieng (BSI)

³² chun, thutak hrieng in ta, thutak chun suok ni bân a ti cheu,” a ta.

JOHAN 8:32 Iomraidhean Croise

INPÂKNA HLABU 119:45

Chun, hluotu neilovin lêng ka ta, I thununna thuhai chu ka zawng si a.

INPÂKNA HLABU 25:5

I thutaka chun mi ṭhuoi la, mîn chûktir rawh, Nang chu a mi sandamtu Pathien i ni si a; Sûnnithlâkin ka nghâk zing che hi.

THUVARHAI 1:23

Ka kâwknaa hin nghakîr unla, Ngai ta u, in kuoma chun ka thlarau chu hung buok ka ta, Ka thuhai chu in kuomah inhriettir ka ti cheu.

THUVARHAI 1:29

Hrietna chu an theida a, Lalpa ṭîna chu an thlang naw a,

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

ISAI 2:3

Chun, chi tamtakhai chu fêng an ta, “Hung unla, Lalpa tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni si a. Lalpa thu chu Jerusalema inthawkin a hung suok ding a nih.

ISAI 30:21

chun, changtienga kal in chawiin amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

HOSEA 6:3

Lalpa hrietna chu hnawt pei ei tiu khai, hrieng ei tiu; Zîng khawvar anga inkhêl ruol lovin ân thawk suok ngei hlak; Ei kuomah ruo angin, ruo nuhnung, hnuoi sukhûtu ang elin hung tlung a tih,” tiin.

LEVI DÂN 25:41

chu zo chun i kuoma inthawkin suok a ta, ama le a nauhai leh; chun, anni sûngkuo pângngaia chun lût nâwk an ta, an pi le puhai in le lo an hluo nâwk ding a nih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 16:13

Nisienlakhawm, ama Thlarau indiktak chu a hung tlung pha chun, thutak po poa chun ṭhuoi lût a ti cheu a, ama phuok fâwmin thu a hril âwm si naw a, thu a idawng taphawt chu hril lem a tih; thil hung tlung dinghai khawm inhriettir a ti cheu.

JOHAN 17:17

Anni chu thutakin sukthieng rawh, i thu chu thutak a nih.

JOHAN 6:45

Zâwlneihai Lekhabuah, ‘Pathien inchûktirin um vawng an tih,’ ti ziek a nih. Mi tin Pa thu hrea inchûk taphawt chu ka kuomah an hung hlak.

JOHAN 7:17

Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

JOHAN 8:36

Chuongchun, Naupa hin ân zalêntir cheu chun, zalên tak tak tâng in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:22

Tu ruok hin chu suola inthawka sukfihlîma um a, Pathien suokhai in hung ni hin, inthiengna hmu khawpin ra in nei in sawnnaw; chu chu tâwpna kumkhuoa hringna leh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in chang a ni si naw a; nau nina thlarau in chang lem a nih; chu thlarau zâra chun, “Abba! (Pa)” tiin ei khêk hlak hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:2

Krista Isua Hringna Thlarau dân chun suolna le thina dâna inthawk chun a mi sansuok ta si a.

1 KORINTH 7:22

Suoka um Lalpaa ko chu Lalpa insuoktir suok a ni si a, chuong ang bawk chun suok ni lova koa um chu Krista suok a nih.

GALATI 5:1

Suok ni lo dingin Krista chun a mîn suoktir kha; chuongchun, ngir det unla, suok ringkawla chun intâng nâwk ta naw ro.

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

2 TIMOTHE 3:7

chuong ang nuhmeihai chu châkna tinrênga ṭhuoi hmang, inchûk rawp sia thutak hre phâk ngai naw an nih.

JAKOB 1:25

Amiruokchu, tûkhawm dân famkim, zalênna dân hi bia, chuong anga um zinga, ngaia theinghil nâwk el hlaktu ni lova, zâwma sin thaw rawptu ni lem chu, ama chu a thil thawah malsâwmin um a tih.

JAKOB 2:12

Chuleiin, zalênna dâna mi ro rêl pêka um dinghai angin thu hril unla, thil thaw bawk ro.

1 PETER 2:16

zalên in nih, nisienlakhawm, in zalênna chu suol inkhumna dinga hmang lovin, Pathien suoka umna dingin hmang lem ro.

2 JOHAN 1:1

Upa chun: Nuhmei ṭha thlang le a nauhai kuomah: Titakzetin ka hmangai cheu a nih, kei chau ni lovin, thutak chu hre taphawt khawmin an hmangai cheu a nih: