JOHAN 8:28 - Pathien Lekhabu Inthieng (BSI)

²⁸ Chuongchun, Isu bawkin, “Nangnîn Mihriem Naupa hi in khai kâng hnungin, ama chu ka ni le, kei mâni thuin thil iengkhawm ka thaw naw a, Pain a mi hril ang peiin hieng thu hi ka hril a nih ti la hung hrieng in tih.

JOHAN 8:28 Iomraidhean Croise

FESUOKNA 3:14

Pathien chun Mosie kuomah, “UMA kha KA NIH” a ti a. Chun, ama bawkin, “Israel mihai kuoma chun, UMA khan in kuomah a mi tir a nih, tîng i tih,” a ta.

MATTHAI 24:5

Mi tamtakin, ‘Krista chu ka nih,’ tiin keia hming sâlin hung an ta, mi tamtak an hlêm ding a ni si a.

MARKA 13:6

Mi tamtakin, ‘Krista chu ka nih,’ tîn keia hming sâlin hung an ta, mi tamtak hlêm an tih.

LUKA 21:8

Chun, ama chun, “An hlêm nawna ding cheuin fîmkhur ro. Mi tamtakin, ‘Krista chu ka nih,’ ‘Ahun a tlung ding a ni tah,’ tiin keia hming sâlin an hung ding a nih; chuonghai chu zui naw ro.

JOHAN 11:42

Kumkhuoin ka thu i ngai hlak ti ka hriet zing a nih; nisienlakhawm, mipui ngîr khup lei hin chu chu ka ti a nih, nangin i mi tir ti an ring theina dingin,” a ta.

JOHAN 13:19

Hi hi a hung tlung hmain tuhin ka hril cheu hi, a hung tlung phaleh, kei kha ka nih ti in ring theina dingin.

JOHAN 16:10

fel thua dâm thiemnaw chang an tih, Pa kuomah ka fe ding a na, nangnîn in mi hmu nâwk ta naw ding lei hin;

JOHAN 18:32

(A thizie ding thu, Isûn a hril anga, a tlungna dingin).

JOHAN 19:18

Chutaka chun ama chu krawsah an hemde a, mi dang pahni khawm krawsah an hemde bawk a, a sîr tuokah pakhat ve vein, a laiah Isu.

JOHAN 3:11

Titakzetin, titakzetin ka hril che hi, keinîn kan hriet chu kan hril hlak, kan hmu chu kan inhriettir hlak; nisienlakhawm, kan thu inhriettir in awi ngai si nawh.

JOHAN 3:14

“Chun, Mosiein thlalêra rûl a khai kâng ang khan, Mihriem Naupa hi khai kângin a um bawk ding a nih;

JOHAN 4:26

Chun, Isûn a kuomah, “Kei a betu che hi ama chu ka ni annâwm,” a ta.

JOHAN 5:19

Chun, Isûn an kuomah, “Titakzetin, titakzetin ka hril cheu hi, Naupa hin a khâtin iengkhawm a thaw thei nawh, Pa thilthaw a hmu chau naw chu; thil a thaw ang taphawt chu Naupa khawmin a thaw ve hlak.

JOHAN 5:30

“Keia khâtin iengkhawm ka thaw thei nawh; naa ka hriet ang peiin ro ka rêl hlak; ka rorêl chu indiktak a nih, keia thu thuin um ka tum naw a, a mi tirtu thu thua um ka tum lem hlak leiin.

JOHAN 6:38

Mâni nuom zâwng thaw dinga vâna inthawka hung ka ni naw a, a mi tirtu dit zâwng thaw dinga hung ṭum ka ni lem.

JOHAN 8:24

Chuleiin, in kuomah, ‘In suol nei zingin thîng in tih,’ ka ti kha; ama chu ka nih ti in awi naw chun, in suol nei zingin thi mawl in tih,” a ta.

JOHAN 8:27

Pa thu an kuomah a hril ti an hriet nawh.

JOHAN 8:58

Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.

THILTHAWHAI 2:41

Chun, a thu zâwm taphawt chun baptisma an chang ta a; chu nia chun mi sâng thum lai belsain an um a.

THILTHAWHAI 4:4

Nisienlakhawm, thu ngaihai laia tamtakin an awi a; an tam tieng chu patling ruok khawm sâng nga lai an tling a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:4

inthiengna Thlarau tieng thua ruok chun mithi laia inthawka a thonâwkna chun Pathien Nau a ni zie thilthawtheina nasatakin ân hriettir a;

DÂN PAHNINA 18:18

An unauhai laia inthawkin nangma ang zâwlnei siempêk ka ta; a bauah ka thuhai sieng ka ta, a kuoma thu ka pêk taphawt chu an kuomah hril a tih.