JOHAN 8:24 - Pathien Lekhabu Inthieng (BSI)

²⁴ Chuleiin, in kuomah, ‘In suol nei zingin thîng in tih,’ ka ti kha; ama chu ka nih ti in awi naw chun, in suol nei zingin thi mawl in tih,” a ta.

JOHAN 8:24 Iomraidhean Croise

FESUOKNA 3:14

Pathien chun Mosie kuomah, “UMA kha KA NIH” a ti a. Chun, ama bawkin, “Israel mihai kuoma chun, UMA khan in kuomah a mi tir a nih, tîng i tih,” a ta.

THUVARHAI 8:36

Amiruokchu, ka chunga suksuol chun ama lungril ngei a sukkhawhlo a, Kei a mi theidatuhai po po chun thina an hmangai a nih.”

MATTHAI 24:5

Mi tamtakin, ‘Krista chu ka nih,’ tiin keia hming sâlin hung an ta, mi tamtak an hlêm ding a ni si a.

MARKA 13:6

Mi tamtakin, ‘Krista chu ka nih,’ tîn keia hming sâlin hung an ta, mi tamtak hlêm an tih.

MARKA 16:16

Awia, baptisma chang chu sandamin um an tih; a awi naw ruok chu thiemnaw changin um an tih.

LUKA 21:8

Chun, ama chun, “An hlêm nawna ding cheuin fîmkhur ro. Mi tamtakin, ‘Krista chu ka nih,’ ‘Ahun a tlung ding a ni tah,’ tiin keia hming sâlin an hung ding a nih; chuonghai chu zui naw ro.

JOHAN 13:19

Hi hi a hung tlung hmain tuhin ka hril cheu hi, a hung tlung phaleh, kei kha ka nih ti in ring theina dingin.

JOHAN 3:18

“Tûkhawm ama ring chu inthiemlovin um naw ni hai, tukhawm a ring naw chu tuta inthawkin inthiemlovin an um nghâl a nih, Pathien Naupa khât nei hming an ring naw leiin.

JOHAN 3:36

Tûkhawm Nau ring taphawt chun chatuona hringna an nei tah, nisienlakhawm, tûkhawm Nau thu awi naw taphawt chun hringna nei naw hi hai, Pathien lunginsenna an chungah a um zing lem a nih,” a ta.

JOHAN 4:26

Chun, Isûn a kuomah, “Kei a betu che hi ama chu ka ni annâwm,” a ta.

JOHAN 8:21

Chun, ama chun an kuomah, “Ka fe hmang ding a ni hi, nangnîn mi zawng in ta, in suol nei zingin thîng in tih; ka fena dingah hung thei naw ti niu,” a ti nâwk a.

JOHAN 8:25

Chun, anni chun a kuomah, “Tû am i ni leh?” an ti a. Isûn an kuomah, “A tira inthawkin in kuomah ka hril hlak kha.

JOHAN 8:28

Chuongchun, Isu bawkin, “Nangnîn Mihriem Naupa hi in khai kâng hnungin, ama chu ka ni le, kei mâni thuin thil iengkhawm ka thaw naw a, Pain a mi hril ang peiin hieng thu hi ka hril a nih ti la hung hrieng in tih.

JOHAN 8:58

Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.

THILTHAWHAI 4:12

Mi dang tu kuoma khawm sandamna a um nawh; vânkhuphnuoia mihriem isak lai, a mi sandam ding hming dang hrim a um nawh,” a ta.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.