JOHAN 8:23 - Pathien Lekhabu Inthieng (BSI)

²³ Ama chun an kuomah, “Nangni hnuoi tienga inthawka suok in nih, kei chu chung tienga suok ka nih; nangni hi khawvêla suok in nih, kei chu hi khawvêla suok ka ni nawh.

JOHAN 8:23 Iomraidhean Croise

INPÂKNA HLABU 17:4

Mihriem thilthawa chun chu, i hmûra thu suok leiin, Mi nunrâwng lampui chu hraw lo dingin kân vawng ṭha a nih.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 17:14

I thu an kuomah ka pêk tah; chun, khawvêlin anni chu an theida a, khawvêla mi an ni naw leiin, kei khawvêla mi ka ni naw ang bawkin.

JOHAN 17:16

Anni chu khawvêla mi an ni nawh, kei khawvêla mi ka ni naw ang bawk hin.

JOHAN 3:13

Vânah tukhawm an lâwn ngai nawh, vâna inthawka hung ṭum Mihriem Naupa chau naw hi chu.

JOHAN 3:31

“Chung tienga hung chu mi po po nêka chunghnungtak a nih; hnuoia pieng chu hnuoia mi a nih, hnuoi thu a hril hlak, vâna inthawka hung chu mi po po nêka chunghnungtak a nih.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.