JOHAN 7:7 - Pathien Lekhabu Inthieng (BSI)

⁷ Khawvêlin nangni an theida thei naw cheu, kei ruok chu an mi theida hlak, an thilthawhai a suol ti ka hrilfie hlak leiin.

JOHAN 7:7 Iomraidhean Croise

1 LALHAI 21:20

Chun, Ahab chun Elija kuomah, “I mi hung hmu ta maw, ka hmêlmapa?” a ta. Chun, ama chun a dawn a, “Ka hmu ta che a ni hi, Lalpa mithmua thil ṭha naw thaw dingin inzawr ta che chu.

1 LALHAI 22:8

Chun, Israel lal chun Jehosaphat kuoma chun, “Lalpa mi râwnpêk ding Imla naupa Mikaia kha chu a la um kha maw, nisienlakhawm, ama hi chu ka theida zâwngtak a nih; ka chungchâng thu hi a se tieng ngawt naw chu a ṭha tieng a hril hrim hrim ngai nawh,” a ta. Chun, Jehosaphat chun, “Lal hin chuong ang chun chu ti naw raw se khai,” a ta.

INPÂKNA HLABU 109:5

Anni chun thil ṭha chu thil suolin an mi thung a, Ka hmangaina chu theidanain an mi thung bawk a.

THUVARHAI 15:12

Hmusittu chun kâwka um chu a ngaina naw a, Mi var kuoma khawm fe ngai bawk naw nih.

THUVARHAI 8:36

Amiruokchu, ka chunga suksuol chun ama lungril ngei a sukkhawhlo a, Kei a mi theidatuhai po po chun thina an hmangai a nih.”

ISAI 29:21

chuonghai chun mi chu thupawi thuah suksuoltuah an siem hlak a, kul kawtkhârah kâwktu âwkna dingin châng an kam hlak a, mi fel chu thil teplo mei meiin an inkhêltir hlak.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

JEREMIA 20:8

Thu ka hril zâtin, ka khêk hlak si a; “Thawluina le suksietna” tiin; Lalpa thu chu ka ta dingin sûnnithlâk thlâka hrilsietna le kâwkna an ni si a..

LEVI DÂN 13:10

Thiempu chun lo en a ta, vuna chun a vâra a hung invûng suok a, a hmul chu a hung sukvâr a, ân vûngnaa chun taksa châr a hung inlang chun,

ZEKARIA 11:8

Chun, thla khat sûngin berâmpu pathumhai chu ka pei thlâk a; ka lungrilin anni chu a nghawk a, anni lungril khawma kei an mi nghawk bawk si a.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

LUKA 6:26

“Mi po poin an inpâk pha cheu in chung la rik a tih; chuong ang bawkin an thlatuhaiin zâwlnei tehlêmhai chungah an thaw hlak kha.

JOHAN 17:14

I thu an kuomah ka pêk tah; chun, khawvêlin anni chu an theida a, khawvêla mi an ni naw leiin, kei khawvêla mi ka ni naw ang bawkin.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:7

tisa dit zâwng chu Pathien dona a ni si a. Chu chu Pathien dânin a um nghâl si naw a, um khawm a um thei bawk nawh.

GALATI 4:16

Chuongchun, thu indiktak ka hril cheu leiin in hmêlma ka lo ni tah a ni maw?

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

1 JOHAN 4:5

Anni chu khawvêla mi an na, chuleiin khawvêla mi angin an ṭawng a, khawvêlin an thu an ngai hlak a nih.