JOHAN 7:51 - Pathien Lekhabu Inthieng (BSI)

⁵¹ “Ama bau ngeia a thu hriet le a thilthaw hriet hmain ei dânin mi thiemnaw ân changtir hlak am a nih?” a ta.

JOHAN 7:51 Iomraidhean Croise

FESUOKNA 23:1

“Thuthang indiknaw chu hril dar naw la, hrietpuitu felnaw ni dingin mi rilo inthlawppui naw rawh.

THUVARHAI 18:13

A hriet hmaa dawnna petu chu, A ta dingin inzakum le invêtna a nih.

NAMBAR 35:30

Tukhawma mi a that chun tuolthattu chu hretuhai bâua inthawka thu suokin sukhlum ding a nih; amiruokchu, hretu pakhat chau chu, chu chu sukhlumna ding chun a hun nawh.

THILTHAWHAI 23:3

Paula chun a kuomah, “Nang lung bang nâlvârpa, Pathienin ben lem a ti che; nang Dân anga mi ngaituo dingin i ṭhung a, Dân naw anga mi ben ding i ti vei a ni maw?” a ta.

DÂN PAHNINA 1:17

Rorêlnaah thlierbîk in nei ding a ni nawh; mi chîn le mi lien inang zingin in ngaipêk ding a nih; tukhawm in ṭi ding a ni nawh; rorêlna chu Pathien ta a ni si a; in ta dinga thu khir taluo chu ka kuomah hung intlun hlak in ta, chu chu lo ngaituo hlak ka tih,’ tiin thu ka pêk a.

DÂN PAHNINA 17:6

Hretu pahni amanih, pathum amani bâua inthawkin thi ding chu sukhlum ding a nih, hretu pakhat chau bâua inthawk chun sukhlum ding a ni nawh.