JOHAN 7:41 - Pathien Lekhabu Inthieng (BSI)

⁴¹ Ṭhenkhatin, “Hi hi Krista chu a nih,” an ta. Ṭhenkhatin, “Khâwlai am Krista chu Galili ramah hung suok hlak a ta?

JOHAN 7:41 Iomraidhean Croise

JOHAN 1:41

Ama chun a hmasatakin ama unau Simon a hmu a, a kuomah “Messie kan hmu tah,” a ta, (chu chu Krista tina a nih.)

JOHAN 1:46

Chun, Nathanael chun a kuomah, “Nazareth khuoah thil ṭha a suok thei am a nih?” a ta. Philip chun a kuomah, “Hung la, en rawh,” a ta.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 4:25

Chun, nuhmei chun a kuomah, “Messie, Krista an ti chu a hung ding a nih ti ka hriet a, ama chu a hung phaleh iengkim mi la hril a tih,” a ta.

JOHAN 4:29

“Ka thilthaw taphawt mi hril peitu mi pakhat a um a, hung unla, en ta u, Krista a ni thei âwm am?” a ta.

JOHAN 4:42

Chun, anni chun, nuhmei kuoma chun, “Tu zet hin chu i thu hril leia ring kan ni ta nawh; keini ngeiin a thu hril kan hriet ta a, hi mipa hi khawvêl Sandamtu a ni ngei ti kan hriet tah,” an ta.

JOHAN 6:69

Nang Pathien mi inthieng chu i nih ti kan awi ta a, hriet khawm kan hriet ie,” a ta, a dawn a.

JOHAN 7:27

Hi mipa hi a piengna chenin ei hriet si a, Krista ruok chu a tlung pha chun a piengna chin tukhawmin hre naw ni hai,” an ta.

JOHAN 7:31

Mipui laia tamtak ruok chun ama chu an ring a, “Krista chu a hung tlung pha khawm, hi mipa thaw nêka tam thilmak a hung thaw ding am a nih?” an ta.

JOHAN 7:52

Anni chun a kuomah, “Nang khawm chu Galili mi i ni ve am a nih? Zawng la, Galili rama chun zâwlnei tukhawm an suok ngai nawh ti hrieng i tih,” an ta, an dawn a.