JOHAN 7:32 - Pathien Lekhabu Inthieng (BSI)

³² Chun, Pharisaihaiin a chunga mipui chier rûknahai chu an hriet a, chuongchun, thiempu lalhai le Pharisaihai chun ama man dingin manmihai an tir ta a.

JOHAN 7:32 Iomraidhean Croise

MATTHAI 12:14

Chuongchun, Pharisaihai chu an suok a, ama an sukhlum theina ding dân ngaituoin an inrâwn a.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MATTHAI 26:58

Nisienlakhawm, Peterin hlataka inthawkin ama chu a zui a, Thiempu laltak in inhuonna sûng tuol chenin; chun, a va lût a, a tâwpna hmu dingin siehlawhai lai chun a ṭhung ve a.

JOHAN 11:46

Nisienlakhawm, a ṭhen Pharisaihai kuomah an va fe a, an kuomah Isu thilthawhai chu an hril a.

JOHAN 12:19

Chuongchun, Pharisaihai chun, “Hre ro, iengkhawm in law thei naw hi; en ta u, khawvêlin ama an zui ta hi,” an ta.

JOHAN 18:3

Chuongchun, Juda chun sipai pâwl leh, thiempu lalhai le Pharisaihai kuoma um manmihai leh a ṭhuoi a, khâwnvarhai, meiserhai, hriemhai chawiin chutaka chun an hung a.

JOHAN 7:30

Chuongchun, ama chu man an tum a, nisienlakhawm, a hun a la tlung naw leiin tukhawmin a chungah kut an thlâk si nawh.

THILTHAWHAI 5:26

Chuongchun, hotu chu manmihai le chun an va fe a, vântlâng an ṭi leiin tlangtakin an hung ṭhuoi a, chuong naw chun lunga dêng an ṭi a.

1 SAMUEL 19:20

Chuongchun, David chu va ṭhuoi dingin Saula chun mitirhai a tir a, chun, zâwlnei ruolin thu an hril duol duol lai le Samuel an chunga hotua um an va hmu chun, Saula mitirhai chunga chun Pathien thlarau a hung tlung a, anni khawm chun thu an hril ve ta duol duol a.