JOHAN 7:3 - Pathien Lekhabu Inthieng (BSI)

³ Chuongchun, a unauhaiin a kuomah, “Hitaka inthawkin Judai ramah va fe rawh, i închûktirhai khawmin i thilthaw hi an hmu theina dingin.

JOHAN 7:3 Iomraidhean Croise

INṬANNA 37:20

Thaw ro, that ei ta, khur pakhatah thlâk ei tiu khai; chun, ‘Sain a se tah,’ ei ti el ding annâwm: chuongchun, a manghai chu iengtin am a um hre el ei tih,” an inti tâwl a.

JEREMIA 12:6

I unauhai le i pa sûngkuo ngei chun, i chungah khawhlotakin an lo thaw ta a; i hnunga chun an hung khêk rak rak a; anni chu ring naw rawh, i kuoma chun thu ṭhatakhai hril hai sien khawm.

MATTHAI 12:46

Mipuihai kuoma thu a la hril lai chun, ngai ta, a nu le a unauhai chu ama biek tumin tuolah an ngîr a.

MARKA 3:21

Chun, a sûnghai chun chu chu an hriet a, “ân vêt a ni chu tie,” tiin, ama man tumin an inthawk a.

MARKA 3:31

Chun, a nu le a unauhai chu an hung a, tuolah an ngîr a, ama ko dingin mi an tir a.

LUKA 8:19

Chun, a nu le a unauhai chun Isu kuom tieng an hung pan a, nisienlakhawm, mipui lei chun a kuom an hung tlung thei si nawh.

LUKA 8:20

Chun, “I nu le i unauhai nang hmu ding chein tuola sawn an ngîr zing ie,” tiin an hril a.

JOHAN 2:2

Isu le a închûktirhai khawm inneinaa chun an fiel a.

JOHAN 6:60

Chuongchun, a închûktirhai tamtakin chuongchu an hrietin, “Hi hi thu khir tak a nih, tuin am ngai phâk an ta?” an ta.

JOHAN 6:66

Chu phingle chun a închûktirhai tamtak an fe hmang a, ama an pâwl nâwk ta naw a.

JOHAN 7:10

Nisienlakhawm, a unauhai chu ruoiṭhenaa an hang fe hnung chun, ama khawm vântlâng ihriet lovin, arûkin a hang fe ve a.

JOHAN 7:4

Tûkhawmin mâni hming inthang nuom siin arûkin thil iengkhawm an thaw nawh. Hieng thilhai hi i thaw tak zet chun, khawvêl kâwlah inentir rawh,” an ta.

JOHAN 7:5

(A unauhai khawm chun ama an ring si naw a).

THILTHAWHAI 2:14

Nisienlakhawm, Peter chu sâwm le pakhathai leh an ngîr a, ama chun râwl inringtakin, an kuomah a hril a, “Nangni Judai rama mihai, nangni Jerusalema um po pohai, hieng hi hre unla, ka thu khawm lo ngai ro.

1 SAMUEL 17:28

Chun, a u, a upa tak Eliab chun mihai kuoma a thu hril lai chu a lo hriet a: chuongchun, Eliab chu David chunga chun a lunginsen ta thut a, “Iengdinga i hung thla ve am a na? Thlalêra berâm tlâwmte um kha tu am în vêngtir leh? I chapozie le i lungril ṭhat nawzie ka hriet a nih: indo dâm en dingin i hung vei rawk a,” a ta.