JOHAN 7:28 - Pathien Lekhabu Inthieng (BSI)

²⁸ Chuong lei chun Isûn Pathien biekina ân chûktir malamin a khêk a, “Nangnîn in mi hriet, ka piengna chin khawm in hriet deh. Nisienlakhawm mâni thua hung ka ni nawh, a mi tirtu hi mi tak zet a nih, ama chu in hriet si nawh.

JOHAN 7:28 Iomraidhean Croise

INPÂKNA HLABU 9:10

Chuongchun, i hming hretuhai chun ring an ti che a, Nang chun chu, Lalpa, nangma zawngtuhai che chu i mâksan ngai si naw a,

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

JEREMIA 9:6

I umna hmun chu nêksâwrna chunga nêksâwrna a na; inhlêmna chunga inhlêmna umkhâwmna a ni leiin an mi hriet nuom naw a nih, Lalpa chun a tih.

HOSEA 4:1

Israel mipuihai, Lalpa thu chu ngai ta u; Hi rama hin thutak le lunginsietna le Pathien hrietna a um naw leiin, Lalpa chun ram hluotuhai hêkna ding a nei.

HOSEA 5:4

An Pathien tienga nghakîr dingin, An thil thaw hlakhai chu an bânsan naw a; Nawchizawr lungril anni lai a um si a, Lalpa chu an hriet naw a nih.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

MATTHAI 2:23

Khuo pakhat Nazareth an tia chun a va um ta a: “Ama chu Nazareth mi tîng an tih,”tia zâwlnei baua an hril kha a hung tlung theina dingin.

MATTHAI 26:55

Chu lai chun, Isûn mipuihai kuoma chun, “Kâwlhnâmhai, hembâwkhai châwiin suomhmang man ding ang elin a mi man dingin in hung suok a ni maw? Pathien biekinah ni tin inchûktirin ka ṭhung hlak a, in mi man si naw a.

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

LUKA 2:39

Chun, Lalpa dân ang peia thil po po an thaw zoin, Galili rama anni khuo Nazaretha chun an kîr nâwk ta a.

LUKA 2:4

Josef khawm, David sûnghai le a thla a ni leiin, Galili rama Nazareth khuoa inthawka Judai rama David khuo Bethlehem an tia chun a fe a,

LUKA 2:51

Chun, anni chu a zui thlâk a, Nazareth chu a hung tlung a, an thu zâwmin a um a. Chun, a nu chun chuong thil po po chu a lungrilah a vawng zing a.

JOHAN 1:46

Chun, Nathanael chun a kuomah, “Nazareth khuoah thil ṭha a suok thei am a nih?” a ta. Philip chun a kuomah, “Hung la, en rawh,” a ta.

JOHAN 10:36

Pain a iruot, khawvêla a itir chunga hin, ‘Pathien Naupa ka nih,’ ka ti leiin, ‘Pathien i hrilsiet,’ in ti a ni maw?

JOHAN 12:49

Keia phuokfâwmin ka hril si nawh; Pa a mi tirtu chun, ka hril ding le ka ṭawngna ding chu thu a mi pêk a ni lem.

JOHAN 14:10

Kei Paa ka um le, Pa keimaah a um ti in awi naw a ni? In kuoma thu ka hril hi keia phuokfâwmin ka hril nawh; Pa keimaah a um zing a, a thil a thaw lem hlak a nih.

JOHAN 14:31

nisienlakhawm, keiin Pa ka hmangai le, Pain thu a mi pêk ang peiin thil ka thaw ti khawvêlin an hrietna ding a ni hi. Tho ro, hitaka hi suok ei tiu.

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 17:25

Aw Pa feltak, khawvêl chun an hriet naw che a, kei ruok chun ka hriet che kha, hienghai khawm hin nangin kei i mi tir ti an hriet kha.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 3:2

ama chu zânah Isu kuomah a hung a, a kuomah, “Rabbi, Pathiena inthawka inchûktirtua hung i ni ti kan hriet; Pathien an chungah a um naw chun hieng thilmak i thawhai hi tukhawmin thaw thei naw ni hai,” a ta.

JOHAN 3:33

A thu inhriettir awi chun, ‘Pathien chu mi indiktak a nih,’ tiin a hming namin a ziek.

JOHAN 5:32

Ka chanchin inhriettirtu chu mi dang a nih; ama chun ka chanchin ân hriettir chu ân dik ti ka hriet.

JOHAN 5:43

Ka Pa hmingin ka hung a, nangnîn in mi lâwm si nawh; mi dang mâni hmingin hung sienla, ama chu lâwm in tih.

JOHAN 6:42

“Hi mipa hi Josef nau Isu a ni naw am a nih? A nu le Pa khawm ei hriet hi. ‘Vâna inthawka hung ṭum ka nih,’ iengti tia ti am a ni leh?” an ta.

JOHAN 7:14

Chun, ruoiṭhe ṭhat lai takin, Isu Pathien biekinah a hang fe a, ân chûktir a.

JOHAN 8:14

Isûn an kuomah, “Mâni thu inhriettir lang khawm ka thu inhriettir ân dik a nih; keiin ka hung suokna le ka fena ding chin khawm ka hriet a; nangni chun chu ka hung suokna le ka fena ding chin khawm in hriet si nawh.

JOHAN 8:16

Anih, sawisêl lang khawm ka sawisêlna chu indik a tih; keia khât chau ka ni naw a, kei le Pa a mi tirtu leh kan ni lem leiin.

JOHAN 8:19

Chun, anni chun a kuomah, “I pa khâwlai am?” an ti a. Isûn “Nangnîn kei in mi hriet nawh, ka Pa khawm in hriet nawh; kei mi hrie ni unla chu, ka Pa khawm hrieng in tih,” a ta.

JOHAN 8:26

Nangni chungchâng thua hin thil tamtak hril ding le ngaituo ding ka nei; ieng khawm ni raw se, a mi tirtu chu mi indiktak a nih; a kuoma inthawka thu ka hriet taphawt khawvêl kuomah ka hril hi,” a ta.

JOHAN 8:42

Isûn an kuomah, “Pathien in Pa a ni chun nangnîn mi hmangai naw ti niu am; Pathien kuoma inthawka suok le a kuoma inthawka hung ka ni si a; keima thua hung ka ni bawk nawh, ama chun a mi tir lem a nih.

JOHAN 9:29

Pathienin Mosie a biek ti kan hriet, hi mipa hrep hi khâwlaia inthawka hung suok am a na, kan hriet hrep nawh,” an ta.

THILTHAWHAI 17:23

Ka lêng malama, chibai in ibûkhai ka en laiin, maichâm pakhat, a chungah, ‘HRIET NAW PATHIEN TA DING,’ tia ziek ka hmu a nih. Chuongchun, hre lova chibai in ibûk hlak kha, ama thu chu ka hril cheu a ni hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:4

Teu lo e! Pathien chu mi indiktak lo ni raw se, mi tin chu mi khêlhlip lo nihai sien khawm: “Nangin i thu hrilin thiem în changtir thei a, rorêlpêka i um khawma i hne theina dingin,” ti ziek ang khan.

2 KORINTH 1:18

Iengkhawm ni raw se, Pathien a ringum angin, nangni tienga ka thu hi “A nih” ti le, “A ni nawh,” ti a ni ve ve si nawh.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

TITA 1:2

Chatuona hringna beiseina chu Pathien khêl hril thei naw chun leilung insieng hmain a tiem a;

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai infuina nasatak ei nei theina dingin.

1 JOHAN 5:10

Pathien Naupa ringtu chun mâniah hrietna a nei a nih; Pathien ringnawtu chun ama chu khêlhlipah a siem a nih, Pathienin a Naupa chanchin ân hriettir chu a ring naw leiin.

1 SAMUEL 2:12

Eli naupasalhai chu Belial nauhai an na, Lalpa chu an hriet naw a.