JOHAN 7:27 - Pathien Lekhabu Inthieng (BSI)

²⁷ Hi mipa hi a piengna chenin ei hriet si a, Krista ruok chu a tlung pha chun a piengna chin tukhawmin hre naw ni hai,” an ta.

JOHAN 7:27 Iomraidhean Croise

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 53:8

Nêksâwrna le rorêlna lâk hmangin a um a; a dam ruolpuihai lem chun tuin am mi hring rama inthawka sukbohmanga a um chu ngaituo hrim an ta? Ka mihai bawsietna leiin lungngaina invurkhumin a um a nih.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

JEREMIA 30:21

Chun, an lal chu anni laia mi ngei nîng a ta, an rorêltu khawm chu anni laia inthawka hung suok ngei nîng a tih; chun, ama chu hung hnai dingin siem ka ta, ka kuom chu hung hnai a tih: Tu am a na, keima mi hung hnai dinga huoina nei chu? Lalpa chun a ti si a.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MARKA 6:3

Hi mipa hi Mari naupa, Jakob hai, Jose hai, Juda hai, Simon hairawi unaupa, thingrem siemtu kha a ni naw am a nih? A farnuhai khawm hitaka ei kuoma um an ni nâwm a nih?” an ta, mak an ti hle a. Chuongchun, a chungah an lungni ta naw a.

LUKA 4:22

Chun, an rêngin ama an inpâk a, a bausuok lunginsietna thu dâm chu mak an ti hle a. “Hi pa hi Josef naupa a ni naw am a nih?” an ta.

JOHAN 6:42

“Hi mipa hi Josef nau Isu a ni naw am a nih? A nu le Pa khawm ei hriet hi. ‘Vâna inthawka hung ṭum ka nih,’ iengti tia ti am a ni leh?” an ta.

JOHAN 7:15

Chun, Judahaiin, “Hi mipa hin inchûk ngai lovin iengtin am lekha a hriet a?” an ta, mak an ti hle a.

JOHAN 9:29

Pathienin Mosie a biek ti kan hriet, hi mipa hrep hi khâwlaia inthawka hung suok am a na, kan hriet hrep nawh,” an ta.

THILTHAWHAI 8:33

A tlâwm laiin a rorêlna chu lâkpêkin a um a; A thlahai chanchin tuin am hril tâng an ta? Khawvêla inthawkin a hringna an lâkpêk ta si a,” ti hi.