JOHAN 7:17 - Pathien Lekhabu Inthieng (BSI)

¹⁷ Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

JOHAN 7:17 Iomraidhean Croise

INPÂKNA HLABU 119:10

Ka lungril po po hin ka zawng che a, Aw, i thupêkhai ka fehmangsan chu phal lul naw rawh.

INPÂKNA HLABU 25:12

Lalpa ṭi mi chu tu am a na? Ama chu a lampui thlang ding chu lân entir a tih.

INPÂKNA HLABU 25:14

Lalpa thurûk chu ama ṭituhai kuomah a um a, A thuthlung chu anni inhriettir a tih.

THUVARHAI 28:5

Mi suol chun rorêlna chu a hrietthiem naw a, Lalpa zawngtuhai ruok chun thil po po an hrietthiem.

THUVARHAI 3:32

Khêlinhlipna hi Lalpa ngaia chun tirdakum a ni si a. A thurâwn ruok chu mi tluong kuomah a um.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

DANIEL 12:10

Mi tamtak chu anni le anni insukthieng an ta, insukvâr an ta, insukthieng an tih; nisienlakhawm, mi khawhlohai chun khawhlotakin thâwng an ta; mi khawhlohai tukhawmin hrethiem naw ni hai; amiruokchu, a varhai chun hrethiem an tih.

HOSEA 6:3

Lalpa hrietna chu hnawt pei ei tiu khai, hrieng ei tiu; Zîng khawvar anga inkhêl ruol lovin ân thawk suok ngei hlak; Ei kuomah ruo angin, ruo nuhnung, hnuoi sukhûtu ang elin hung tlung a tih,” tiin.

MIKA 4:2

Chun, hnam tamtakhai chu fêng an ta, “Hung unla, Lalpa tlângah, Jakob Pathien ina chun hang fêng ei tiu; chuongchun, ama chun a lampui chanchinhai chu mîn chûktir a ta, a lampuihaia chun fêng ei ta, tîng an tih; Ziona inthawk chun dân thu chu a hung suok ding a ni si a; Lalpa thu chu Jerusalema inthawkin a hung suok ding a nih.”

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 6:22

“Taksa khâwnvar chu mit hi a nih; i mit a var chun i taksa a rêngin var suok a tih.

LUKA 8:15

Hnuoi ṭhaa mi chu hieng hi an nih; lungril ṭha le felin thu chu an hriet a, an vawn zing a, tuorseltakin an ra hlak.

JOHAN 3:21

Amiruokchu tûkhawm a thaw dik phawt chu, an thilthawhai Pathien leia thaw an ni ti ân langna dingin, varah an hung hlak,” a ta.

JOHAN 8:43

Iengdinga ka ṭawng umzie in hriet naw am a na? Ka thu hril in ngai phâk naw lei a nih.

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

JOHAN 8:47

Pathien kuoma inthawka suok chun Pathien thu a pawm hlak; hi lei hin in pawm naw a nih, Pathien kuoma inthawka suok in ni naw leiin,” a ta.

THILTHAWHAI 17:11

Chutaka mihai chu Thessalonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.