JOHAN 7:16 - Pathien Lekhabu Inthieng (BSI)

¹⁶ Chun, Isûn anni chu a dawn a, “Ka thu inchûktir hi ka ta a ni naw a, a mi tirtu ta a ni lem.

JOHAN 7:16 Iomraidhean Croise

JOHAN 14:10

Kei Paa ka um le, Pa keimaah a um ti in awi naw a ni? In kuoma thu ka hril hi keia phuokfâwmin ka hril nawh; Pa keimaah a um zing a, a thil a thaw lem hlak a nih.

JOHAN 14:24

Tûkhawm a mi hmangai naw chun ka thu a zâwm nawh, thu in hriethai hi ka ta a ni nawh, Pa a mi tirtu ta a ni lem.

JOHAN 17:14

I thu an kuomah ka pêk tah; chun, khawvêlin anni chu an theida a, khawvêla mi an ni naw leiin, kei khawvêla mi ka ni naw ang bawkin.

JOHAN 17:8

Nangin thu i mi pêkhai kha an kuoma ka pêk ta si a; chuong chu an vawn a, i kuoma inthawka suok ka nih ti indiktakin an hriet tah, nangin i mi tir ti khawm an awi tah.

JOHAN 3:11

Titakzetin, titakzetin ka hril che hi, keinîn kan hriet chu kan hril hlak, kan hmu chu kan inhriettir hlak; nisienlakhawm, kan thu inhriettir in awi ngai si nawh.

JOHAN 3:31

“Chung tienga hung chu mi po po nêka chunghnungtak a nih; hnuoia pieng chu hnuoia mi a nih, hnuoi thu a hril hlak, vâna inthawka hung chu mi po po nêka chunghnungtak a nih.

JOHAN 5:30

“Keia khâtin iengkhawm ka thaw thei nawh; naa ka hriet ang peiin ro ka rêl hlak; ka rorêl chu indiktak a nih, keia thu thuin um ka tum naw a, a mi tirtu thu thua um ka tum lem hlak leiin.

JOHAN 6:44

Pa a mi tirtuin a hîp naw chun tukhawm ka kuomah hung thei naw ni hai; chun, keiin ni kin nia chun a hung chu keitho ka tih.

JOHAN 8:28

Chuongchun, Isu bawkin, “Nangnîn Mihriem Naupa hi in khai kâng hnungin, ama chu ka ni le, kei mâni thuin thil iengkhawm ka thaw naw a, Pain a mi hril ang peiin hieng thu hi ka hril a nih ti la hung hrieng in tih.

2 JOHAN 1:9

Tûkhawm Krista inchûktirna thua um zing lova, fe khêl chun Pathien a nei nawh. Chu inchûktirna thua um zing ruok chun, ama ngei chun Pa le Naupa a nei kawp a nih.

THUPUONGSUO 1:1

Isu Krista thupuongsuo, Pathienin a suokhai inhriettir dinga a kuoma a pêk, thil hung um vak ding thu chu; chu chu a vântirko hmangin a suok Johan kuomah a hung inhriettir a;