JOHAN 7:12 - Pathien Lekhabu Inthieng (BSI)

¹² A chungah mipuihai laia mi an chier sup sup a, a ṭhenin, “Mi ṭha a ni ie,” an ti a; ṭhenkhatin, “Teu lo e, mipui a hlêm lem hlak a nih,” an ta.

JOHAN 7:12 Iomraidhean Croise

MATTHAI 10:25

Inchûktir chu inchûktirtu anga a hung um le, suok chu a pu anga a hung um chu a hun deh. In neitupa hman Beelzebub an ti chun, a sûnghai chu an va ti nasa awm deh e!

MATTHAI 21:46

Chun, ama chu man an tum a; nisienlakhawm, mipuihai chu an ṭi si a, zâwlneiin an ruot leiin.

MATTHAI 27:63

“Pu, chu hlêmtu chun, a dam lai khan ‘Ni thum chenah thonâwk ka tih,’ a ti kan hriet zing a.

LUKA 18:19

Chun, Isûn a kuomah, “Iengdinga ṭha i mi ti? mi pakhat chau naw chu tûkhawm ṭha an um nawh, chu chu Pathien a nih.

LUKA 23:47

Chun, sipai za hotu chun thil umzie chu a hmu chun, “Hi mipa hi matheilovin mi feltak a ni phawt el,” a ta. Pathien ân pâk ta a.

LUKA 23:50

Chun, ngai ta, mi pakhat a hming Josef, rorêltu mi ṭhatak, feltak a um a,

LUKA 6:45

Mi ṭha chun a lungril ro bâwm ṭhaa inthawkin thil ṭhahai a the suok hlak; mi suol chun a lungril ro bâwm siea inthawkin thil ṭha nawhai a the suok hlak; a lungril sip liem chu a bauin a hril suok el hlak a ni si a.

LUKA 7:16

Chun, mi po poin an ṭi a, Pathien an inpâk a, “Eini lai zâwlnei ropuitak a hung um ta a ni hi,” an ta. “Pathienin a mihai a hung sîr tah a nih,” an ti bawk a.

JOHAN 6:14

Chun, mihai chun thilmak a thaw chu an hmu phingleh, “Hi mipa hi zâwlnei, khawvêla hung ding kha a ni ngei hi,” an ta.

JOHAN 7:32

Chun, Pharisaihaiin a chunga mipui chier rûknahai chu an hriet a, chuongchun, thiempu lalhai le Pharisaihai chun ama man dingin manmihai an tir ta a.

JOHAN 7:47

Chun, Pharisaihai chun an kuomah, “Nangni khawm hlêmin in um ve tah a ni maw chu?

JOHAN 7:52

Anni chun a kuomah, “Nang khawm chu Galili mi i ni ve am a nih? Zawng la, Galili rama chun zâwlnei tukhawm an suok ngai nawh ti hrieng i tih,” an ta, an dawn a.

JOHAN 9:16

Chun, Pharisai ṭhenkhatin, “Chu mipa chu châwlni a hlutsak naw leiin Pathien kuoma inthawka suok ni naw ni,” an ta. Ṭhenkhat ruok chun, “Mi suolin iengtin am hieng ang thilmak hi thaw thei a ta?” an ta. Anni lai inṭhena a hung um ta a.

THILTHAWHAI 11:24

Barnaba chu mi ṭhatak, Thlarau Inthieng le ringnaa sip a nih. Chun, mi tamtakin Lalpa kuomah an belsa ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:7

Mi fel ta dinga thi nuom mi an vâng hle âwm si a, mi ṭha ta ding ruok chun mi tûamani bêk chun thi a lo ngam khiet rawi mawh.

PHILIPPI 2:14

Chierna le insêlnahai um lovin iengkim thaw ro,