JOHAN 6:71 - Pathien Lekhabu Inthieng (BSI)

⁷¹ (Simon Iskariot naupa Juda, sâwm le pahnihai laia ṭhang ve thu kha a hril a nih, ama chu ân mantirtu ding chu a ni si a.)

JOHAN 6:71 Iomraidhean Croise

INPÂKNA HLABU 41:9

Anih, ka ruol pâwlngei, ka ringtak, ka bei fâkpui ngei chun, A kekhawng chu ka chungah ân let ta a.

MATTHAI 10:2

Tirko sâwm le pahni hai hming chu hieng hi an nih: A hmasataka chun Simon (Peter an ti) le a unau Andri hai, Zebedai naupa Jakob le a unaupa Johan hai;

MATTHAI 10:4

Kanaana mi Simon le a inmantirtu Juda Iskariot hai hi an nih.

MARKA 14:10

Chun, Juda Iskariot, sâwm le pahni laia mi pakhat khan, Isu chu an kuoma ân mantir theina dingin thiempu lalhai kuomah a va fe a.

JOHAN 12:4

Nisienlakhawm, Iskariot Juda, a închûktir pakhat, ân mantirtu ding chun,

JOHAN 13:2

Chun, zânbu fâk laiin, (chu hma khawm chun diebolin Simon naupa Iskariot Juda chu Isu inmantir dingin ân lungriltir a,)

JOHAN 13:26

Chun, Isûn “Bei hlek inchiepêk ka ta, ka ipêk chu nîng a tih,” a ta, a dawn a. Chuongchun, bei hlek chu ân chie hnungin a lâk a, Iskariot Simon naupa Juda kuoma chun a pêk a.

JOHAN 2:2

Isu le a închûktirhai khawm inneinaa chun an fiel a.

JOHAN 20:24

Chun, Isu a hung lai khan, sâwm le pahnihai laia ṭhang ve Thoma (Didum an ti bawk) chu an kuomah a um ve naw a.

JOHAN 6:64

Nisienlakhawm, nangni laia a ṭhen ring naw in um,” a ta. Isûn a ring nawtu le ama inmantirtu ding chu a tîra inthawkin a hriet zing si a.

JOHAN 6:70

Chun, Isûn an kuomah, “Nangni sâwm le pahnihai hi keia thlang in ni naw am a nih? Nangni laia pakhat diebol a ni nâwk nghâl si,” a ta.

THILTHAWHAI 2:23

Nangni ngeiin in hriet ang khan; kha mipa kha Pathien rêl tlat le hriet lâwk angin an inmantir a, nangnîn mi suolhai kutin krawsah in hemde a, in sukhlum ta a.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.