JOHAN 6:7 - Pathien Lekhabu Inthieng (BSI)

⁷ Philip chun a kuomah, “Mi tinin tlâwmtêa an chang seng ding khawm bei duli za hni manin dai naw ni,” a ta, a dawn a.

JOHAN 6:7 Iomraidhean Croise

2 LALHAI 4:43

A siehlaw chun, “Iengtin am hi hi mi za khat hmaa chun fâk dingin sieng ka ta?” a ti a. Nisienlakhawm, ama chun, “An fâk dingin mipuihai kuoma chun pe rawh, Lalpa chun ‘Fâng an ta, fa sêng naw ni hai,’ a ti a nih,” a ta.

MATTHAI 18:28

Nisienlakhawm, chu suok chu a va fe suok a, a suok chanpui laia pakhat, a duli za battu a va hmu a; a man a, ‘I bat kha mi pe rawh,’ tiin a rîng a rêk a.

MARKA 6:37

Ama ruok chun an kuomah, “Nangnîn fâk ding pe ta unla,” tiin a dawn a. Chun, anni chun a kuomah, “Bei duli zahni man vân chawin fâk ding kan pêk ding am a nih?” an ta.

JOHAN 1:43

Chun, a zînga chun Isu Galili ramah fe a tum a, Philip a hmu a, “Mi zui rawh,” a ta.

JOHAN 1:44

Philip chu Bethsaida khuoa mi a nih, chu chu Andri le Peter umna khuo bawk a nih.

JOHAN 1:45

Philip chun Nathanael a hmu a, a kuomah, “A chanchin Mosiein Dân lekhabua a ziek le, zâwlneihaiin an ziek kha, ama chu kan hmu tah, Nazareth Isu, Josef naupa chu,” a ta.

JOHAN 1:46

Chun, Nathanael chun a kuomah, “Nazareth khuoah thil ṭha a suok thei am a nih?” a ta. Philip chun a kuomah, “Hung la, en rawh,” a ta.

JOHAN 1:48

Nathanael chun a kuomah, “Nangin iengtin am i mi hriet a?” a ta. Isûn a kuomah, “Philipin a ko hma che a, theichang bula i um lai khan ka hmu che annâwm,” a ta, a dawn a.

JOHAN 12:5

“Hi hriek rim inhnik hi iengdinga duli za thuma zawra pasiehai kuoma an pêk lem naw am a na?” a ta.