JOHAN 6:52 - Pathien Lekhabu Inthieng (BSI)

⁵² Chuongchun, Judahai an insêl a, “Hi mipa hin iengtin am a taksa fâk dingin mi pe thei a ta?” an ta.

JOHAN 6:52 Iomraidhean Croise

JOHAN 1:19

Chun, Judahaiin, “Tû am i na?” tia indawn dingin Jerusalema inthawkin a kuomah thiempuhai le Levi chia mihai an tir lai khan, hieng hi Johan thu lo inhriettir chu a nih:

JOHAN 10:19

Chuong thu lei chun Judahai an inṭhe a, an inkhing nâwk a.

JOHAN 3:4

Nikodemin a kuomah, “Mi a tar hnungin iengtin am pieng thei a ta? A nu sulah vawi hni lûtin a pieng ding am a nih?” a ta.

JOHAN 3:9

Chun, Nikodemin a dawn a, a kuomah, “Chuong thil chu iengtin am um thei a ta?” a ta.

JOHAN 4:11

Chun, nuhmei chun a kuomah, “Pu, khaina iengkhawm i nei si naw a, tuisunsuo ân thûk vei leh, khâwlaia inthawkin am tui hring chu i hmu a?

JOHAN 6:41

Chun, “Vâna inthawka bei hung ṭum chu ka nih,” a ti leiin, Judahai chu a chungah an chier a.

JOHAN 6:60

Chuongchun, a închûktirhai tamtakin chuongchu an hrietin, “Hi hi thu khir tak a nih, tuin am ngai phâk an ta?” an ta.

JOHAN 9:16

Chun, Pharisai ṭhenkhatin, “Chu mipa chu châwlni a hlutsak naw leiin Pathien kuoma inthawka suok ni naw ni,” an ta. Ṭhenkhat ruok chun, “Mi suolin iengtin am hieng ang thilmak hi thaw thei a ta?” an ta. Anni lai inṭhena a hung um ta a.

THILTHAWHAI 17:32

Chun, mithi laia inthawka thonâwkna thu chu an hriet phingleh a ṭhenin an nuisan a; a ṭhenin, “Hi thu hi i kuomah la ngai nâwk kan tih,” an ta.

1 KORINTH 2:14

Khawvêl mi chun Pathien Thlarau thil chu a lâwm ngai nawh, ama ngaia chun invêtthlâk a ni si a; Thlaraua hriet chieng a ni leiin a hriet thei naw hrim a nih.