JOHAN 6:31 - Pathien Lekhabu Inthieng (BSI)

³¹ Kan thlatuhaiin thlalêrah manna kha an fâk hlak, ‘Vâna inthawk chun an kuomah bei fâk ding a pêk,’ ti ziek ang khan,” an ta.

JOHAN 6:31 Iomraidhean Croise

NEHEMIA 9:15

an phîngṭam sukrena dingin vâna inthawkin bei i pêk a, an dangchâr sukrêna dingin lungpuia inthawkin tui i suksuokpêk a, i bân phar meua, ‘Pêng ka tih,’ i ti ram hluo ding thu i pêk a.

NEHEMIA 9:20

Anni inchûktir dingin i thlarau ṭhatak chu i pêk bawk a, i manna chu an baua a lût i phal naw naw a, an dangchâr sukrêna dingin tui i pêk a.

INPÂKNA HLABU 105:40

An hnih a; chuongchun, vamîm a hung ṭhuoi a, Vân buin anni chu a sukkhawp ta a.

FESUOKNA 16:35

Israel mihai chun mi umna ram an hung tlung hma po kum sawmli sûng chu manna chu an fâk ta a. Kanaan ram ramrihai an hung tlung chen chun an fâk a.

JOHAN 6:32

Chun, Isûn an kuomah, “titakzetin ka hril cheu hi, vâna inthawka bei in hmu kha Mosie pêk cheu a ni nawh, ka Pa ruok chun vâna inthawkin bei tak tak a pêk cheu a ni hi.

JOHAN 6:49

“In thlatuhaiin thlalêrah manna kha an fâk a, an thi tho a.

JOHAN 6:58

Hi hi vâna inthawka bei hung ṭum chu a nih, chi thlatuhaiin bei an fâk ang kha a ni nawh, anni chun an fâka, an thi ta a; tûkhawm hi bei hi fa chu chatuonin hring zing a tih,” a ta.

1 KORINTH 10:3

an rêngin thlarau tieng bu hmunkhat an fâk seng a,

DÂN PAHNINA 8:3

Mihriem hi bei chauin an hring naw a, Lalpa bâua thu tin suokin a nih ti ân hriettir theina ding cheuin a sukhnuoi cheu a, in ṭâm dâm a phal a, in hriet ngai lo, in pi le puhai khawma an hriet ngai lo manna chun a châwm cheu a.

JOSUA 5:12

Chu rama bu an fâk zînga inthawk chun manna kha a tla ta naw a; Israelhai chun manna chu an dawng ta ngai naw a, chu kum chun Kanaan rama bu le bâl chu an fâk ta lem a nih.

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.