JOHAN 5:7 - Pathien Lekhabu Inthieng (BSI)

⁷ Chun, damnaw chun, “Pu, tui a hung fâwn pha dîla mi sietu ding ka nei naw a, ka fe sûngin mi dangin an mi fe khêl nâwk hlak,” a ta, a dawn a.

JOHAN 5:7 Iomraidhean Croise

INPÂKNA HLABU 142:4

Ka changtieng hi thlêk la, en ta, tukhawm a mi hre hrim hrim an um ta naw hi; Kân humhimna a um ta naw a tukhawmin ka hringna hi an ngaisak ta nawh.

INPÂKNA HLABU 72:12

Pasiein a koin ama chun sanhim a ta, Mi rimsi ṭhangpuitu nei naw khawm chu sanhim a tih.

JOHAN 5:2

Chun, Jerusalema chun berâm kawtkhâr kâwlah dîl a um a, chu chu Hebrai ṭawngin Bethesda an ti a, tuolpûk panga a nei a.

JOHAN 5:3

Chuonga chun damnawhai, mitdelhai, ke inbaihai, zenghai tamtak an zâl tâwl a, [tui infâwn hun an nghâk a.

JOHAN 5:4

Akâr po leh dîla chun vântirko a zu fe a, tui chu a sukfâwn hlak a; mi tukhawm ieng ang natna nei khawm ni hai sien, tuifâwn zu pal hmasatak taphawt chu an dam pei hlak si a.]

JOHAN 5:6

Isûn a zâl chu a hmu a, chuong ang chun sâwttak a um tah ti a hriet a, a kuomah, “Sukdam i nuom am?” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:6

Ei la hrât naw lai khan a hun takah Krista chu mi suolhai ai chun a lo thi ta si a.

1 KORINTH 9:24

Intlânsiekhai chu an rêngin an tlân a; nisienlakhawm, pakhat chauin lâwmman a hmu hlak ti in hriet naw am a nih? In hmu theina dingin chuong ang tak chun tlân ro.

DÂN PAHNINA 32:36

Lalpa chun a mihai ro a rêl ding a na, A siehlawhai khawm thawpêk a tih; An thilthawtheina inhmang a, Khuokhir le khir naw tukhawm um dêr lova a hmu pha chun.