JOHAN 5:39 - Pathien Lekhabu Inthieng (BSI)

³⁹ Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni si a.

JOHAN 5:39 Iomraidhean Croise

INPÂKNA HLABU 1:2

A lâwmna chu Lalpa dânah a ni lem a, A dân thu chu a sûn a zânin a ngaituo hlak a.

INPÂKNA HLABU 119:11

I chunga thil ka suksuol nawna dingin, I thu chu ka lungrilah kân khâwl khâwm a.

INPÂKNA HLABU 133:3

Hermon daidaw Zion tlânghaia tla hlak ang hi a nih; Chutaka chun Lalpa chun malsâwmna thu a pêk a, Kumkhuoa hringna dingin.

INPÂKNA HLABU 16:11

Nangin hringna lampui chu min hriettir i ta, I hmaa chun hlima sipliemna a um a; I kut changtienga chun kumkhaw lâwmna ding a um.

INPÂKNA HLABU 21:4

Ama chun hringna a hni che a, i lo pêk a, Kumkhawtluonga dam zingna chu.

INPÂKNA HLABU 36:9

Hringna tuikhur chu i kuomah a um si a. I vara chun var la hmûng kan tih.

THUVARHAI 6:23

Thupêk chu khâwnvar a na, inchûktirna chu var a ni si a; Inchûktirna thununnahai chu hringna lampui a nih;

ISAI 34:16

Lalpa lekhabuah zawng unla, tiem ro; chuonghai laia chun pakhat khawm a kim naw um naw ni a, pakhat khawm kawppui nei naw um naw ni; ka bau ngeiin thu a pêk a, a thlarau ngeiin chuong chu a ṭhuoi khâwm tâwl ta si a.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

JEREMIA 8:9

Mi varhai chu an inzak a, sukbeidawngin an um a, ṭhuoi hmangin an um a; en ta u, Lalpa thu chu an dit naw chu: annia chun ieng ang varna hrim am a um a na ?

DANIEL 12:2

Chun, mi tamtak hnuoi pilvuta lo in tahai chu tho an ta, aṭhen chu chatuona hringna changin, aṭhen ruok chu chatuona thiemnaw le inzakna changin.

MATTHAI 22:29

Isûn a dawn a, an kuomah, “Pathien Lekha thu le, Pathien thilthawtheina in hriet naw leiin in ngai suol hlak a nih.

MARKA 10:3

Ama chun an kuomah, “Mosien iengtin am thu a pêk cheu a?” tîn a dawn a.

MARKA 12:10

Hi Pathien Lekha Thu hi in tiem naw am a nih? ‘In bâwltuhai lung dit naw kha, Chu ngei chu a kia lung ṭhangkaitak a lo ni tah.

LUKA 16:29

Abraham ruok chun, ‘Mosie le zâwlneihai an nei annâwm; chuhai thu chu ngai raw hai se,’ a ta.

LUKA 16:31

Chun, ama chun a kuomah, ‘Mosie le zâwlneihai thu an awi naw chun, mithi laia mi tho nâwk sienla khawm awi chuong naw ni hai,’ a ti a,” a ta.

LUKA 24:25

Chun, ama chun an kuomah, “Mi invêthai, zâwlneihai thu hril po po awi kawnga ngawnghai!

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

LUKA 24:44

Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.

JOHAN 1:45

Philip chun Nathanael a hmu a, a kuomah, “A chanchin Mosiein Dân lekhabua a ziek le, zâwlneihaiin an ziek kha, ama chu kan hmu tah, Nazareth Isu, Josef naupa chu,” a ta.

JOHAN 5:32

Ka chanchin inhriettirtu chu mi dang a nih; ama chun ka chanchin ân hriettir chu ân dik ti ka hriet.

JOHAN 5:36

“Nisienlakhawm, inhriettirna ka nei hi Johan inhriettirna nêk khan a ropui lem a nih; Pain thil thaw zo dinga a mi pêk, ka thilthaw ngei hin Pain a mi tir a ni ti ka chanchin ân hriettir a nih.

JOHAN 5:40

Nisienlakhawm, hringna nei dingin ka kuomah in hung nuom si nawh.

JOHAN 5:46

Mosie in ring chun, kei khawm mi ring ve ding in nih; ama chun keia chanchin in sawnnaw a ziek.

JOHAN 7:52

Anni chun a kuomah, “Nang khawm chu Galili mi i ni ve am a nih? Zawng la, Galili rama chun zâwlnei tukhawm an suok ngai nawh ti hrieng i tih,” an ta, an dawn a.

THILTHAWHAI 13:27

Jerusalema umhaiin, an hotuhai leh, ama chu an hriet naw lei le, zâwlneihai thu, Châwlni taphawta tiem hlak kha, an hriet bawk naw leiin, ama chu thiemnaw inchangtirin, chu thu chu an hlen ta a.

THILTHAWHAI 17:11

Chutaka mihai chu Thessalonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

THILTHAWHAI 26:27

Lal Agrippa, zâwlneihai thu i awi am? I awi ti ka hriet,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:2

Chu Chanchin Ṭha chu Pathienin inhmata a lekha inthienghaia zâwlneihai baua a ilo tiem tah, a Naupa ei Lalpa Isu Krista thu chu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:2

Kawng tinrêngah a sâwt hle. Pathien thuhai an kuomah inkawltira a um lei a ni tak.

DÂN PAHNINA 18:15

“Lalpa in Pathienin keima ang hi in unauhai laia mi, zâwlnei siempêk a ti cheu; a thu chu in zâwm ding a nih.

DÂN PAHNINA 18:18

An unauhai laia inthawkin nangma ang zâwlnei siempêk ka ta; a bauah ka thuhai sieng ka ta, a kuoma thu ka pêk taphawt chu an kuomah hril a tih.

DÂN PAHNINA 29:29

Thil inthuphai chu Lalpa ei Pathien ta a na, thil suklanga umhai ruok chu hi dân thuhai po po hi ei zâwm theina dingin eini le ei thlahai ta ding a nih.

DÂN PAHNINA 32:47

In ta dingin thil teplo mei mei a ni naw a, in hringna a ni si a; chun, hieng thil thaw hin, hluo ding Jordan in va kân rama chun in dam sâwt ding a nih,” a ta.

KOLOSSA 3:16

Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta si a.

HEBRAIHAI 11:35

Nuhmeihaiin an mithihai tho nâwk an hmu a, mi danghai khawm sawisakin an um a, thonâwkna ṭha nâwkzuol an chang theina dingin san suok an nuom nawh.

JOSUA 1:8

Hi dân bu hin i bâu chu suoksan hlek naw sienla, chu thu ziekhai po po chu i zâwm tlat theina dingin sûn le zânin i ngaituo ding a nih, chuongchun, i lampuihai chu suktluong pei i ta; i hung tluongtlung pei ding a nih. Thu ka pêk che a ni naw am a nih?

THUPUONGSUO 19:10

Chuongchun, Pathien chibai bûka bûk dingin a ke bulah ka bawkkhup a. Chun, ama chun ka kuomah, “Hienghin thaw naw raw khai, kei chu nangma le i unau, Isu inhriettirna thu pawmhai suok chanpui ka ni annâwm; Pathien chibai bûk lem rawh; Isu inhriettirna thu chu thu hrilna thlarau a ni si a,” a ta.