JOHAN 5:18 - Pathien Lekhabu Inthieng (BSI)

¹⁸ Chun, Judahaiin sukhlum an tum nâwk zuol a, Châwlni a bawsiet lei chau khawm a ni naw a, Pathien ama paah ân bûk a, Pathien tluka ân siem lei khawmin a nih.

JOHAN 5:18 Iomraidhean Croise

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai Lalpa chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

MATTHAI 12:5

Annawleh, Châwlniin Pathien biekina thiempu umhai chun Châwlni an bawr khawmin an thiem pei ti Dân thua chun in tiem naw am a nih?

JOHAN 1:19

Chun, Judahaiin, “Tû am i na?” tia indawn dingin Jerusalema inthawkin a kuomah thiempuhai le Levi chia mihai an tir lai khan, hieng hi Johan thu lo inhriettir chu a nih:

JOHAN 10:30

Kei le Pa chu pumkhat kan nih,” tiin a dawn a.

JOHAN 10:33

Judahai chun a kuomah, “Sin ṭha chunga lunga dêng ding che kan ni naw a; Pathien i hrilsietna chunga le, nang mihriem ni si a, Pathiena în siem lei hin a ni lem a nih,” tiin an dawn a.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

JOHAN 19:7

Judahai chun a kuomah, “Kan dân kawng khat a um, chu dân ang peiin Pathien Naua ân siem leiin, a thi ding a nih,” an ta, an dawn a.

JOHAN 5:15

Chun, ama chu a va fe a, Judahai kuoma chun, ama sukdamtu chu Isu a nih ti a hril a.

JOHAN 5:16

Chuongchun, Châwlnia chuong thilhai chu a thaw leiin Judahaiin Isu an suknawmna ta a.

JOHAN 5:17

Nisienlakhawm, Isûn anni chu a biek a, an kuomah, “Ka Pain tu chen khawmin sin a thaw hlak, kei khawmin ka thaw hlak,” a ta.

JOHAN 5:23

mi po poin Pa an inza angin Naupa khawm an inzana dingin. Tûkhawm Naupa inza naw chu Pa, ama tirtu inza naw a nih.

JOHAN 7:1

Chu zoa chun Isûn Galili ram a fang a, Judahaiin ama sukhlum an tum leiin Judai ram chu a fang nuom naw a.

JOHAN 7:19

Mosiein Dân chu a pêk naw cheu am a nih? Nisienlakhawm, nangni lai tukhawmin Dân chu in hraw si nawh. Nangnîn iengdinga mi sukhlum in tum am?” a ta.

JOHAN 8:54

Chun, Isûn “Mâni inchawimawi lang, ka mawi ienga ding khawm a ni nawh: ‘Kan Pathien,’ in ti, ka Pa chu, a mi chawimawitu a nih;

JOHAN 8:58

Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.

PHILIPPI 2:6

Ama chu Pathien nina neia um zing ni sien khawm, Pathien tluka um zing chu, tum lui tlat dingah a ngai naw a,

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.

THUPUONGSUO 22:3

Chun, ṭawngsie hrim um nâwk ta naw ni a, Pathien le Berâmte lalṭhungpha chu um lem tâng a tih; chuongchun, a suokhai chun a rawng bâwl an ta,