JOHAN 5:17 - Pathien Lekhabu Inthieng (BSI)

¹⁷ Nisienlakhawm, Isûn anni chu a biek a, an kuomah, “Ka Pain tu chen khawmin sin a thaw hlak, kei khawmin ka thaw hlak,” a ta.

JOHAN 5:17 Iomraidhean Croise

INPÂKNA HLABU 65:6

Thilthawtheinaa tâia inkhita, Mâni hrâtnaa tlânghai sukhnîng hlaktu chu i nih;

ISAI 40:26

Chungtienga khin in mithai hang inlên unla, khienghai khi tu siem am an na, en ta u: ama chun sipaihai khi indawt peiin a ṭhuoi suok hlak a, an hmingin a ko seng hlak a; a hrâtna nasat lei le, thilthawtheina tienga a hrât leiin pakhat khawm kim naw an um ngai nawh.

MATTHAI 10:29

Chawngzawng pahni dâr tangka pakhatin an zawr hlak a ni naw am a nih? nisienlakhawm, anni laia pakhat khawm in Pa boin hnuoiah tla naw ni.

JOHAN 10:36

Pain a iruot, khawvêla a itir chunga hin, ‘Pathien Naupa ka nih,’ ka ti leiin, ‘Pathien i hrilsiet,’ in ti a ni maw?

JOHAN 14:10

Kei Paa ka um le, Pa keimaah a um ti in awi naw a ni? In kuoma thu ka hril hi keia phuokfâwmin ka hril nawh; Pa keimaah a um zing a, a thil a thaw lem hlak a nih.

JOHAN 5:16

Chuongchun, Châwlnia chuong thilhai chu a thaw leiin Judahaiin Isu an suknawmna ta a.

JOHAN 5:18

Chun, Judahaiin sukhlum an tum nâwk zuol a, Châwlni a bawsiet lei chau khawm a ni naw a, Pathien ama paah ân bûk a, Pathien tluka ân siem lei khawmin a nih.

JOHAN 9:4

Sûn a ni laiin a mi tirtu sin ei thaw ding a nih, zân a ni ding a ni ta hi, chu pha chun tukhawmin thaw thei naw ni hai.

THILTHAWHAI 14:17

Nisienlakhawm, ama inhriettirna um lovin ân siem ngai nawh. Chuongchun, thil a thaw ṭha hlak a, vâna inthawka ruohai le kum ṭhat kumhai a pêk cheu a, in lungril fâk ding le lâwmnain a suktlaipêk hlak cheu kha,” an ta.

THILTHAWHAI 17:28

Ama leiin, ei hring, ei châng, ei um a ni si a; nangni hlaphuokthiem tuhai amani khawmin, ‘Eini khawm a thlahai ei nih,’ tia an hril ang khan.

1 KORINTH 12:6

Sinthaw dân tum tum khawm a um a, Pathien ruok chu hmunkhat a nih, mi po poa iengkim thawtu chu.

KOLOSSA 1:16

Amaa chun iengkim siem a ni si a; vâna umhai, hnuoia umhai leh, hmu thei lo le hmu theihai le chun, lalṭhungphahai khawm, rorêlnahai khawm, inlalnahai khawm, thuneinahai khawm, iengkim amaa chun, ama ta ding bawka siem a nih.

1 THESSALONIKA 2:13

Hi hi lei hin ma lovin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm naw a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.