JOHAN 5:14 - Pathien Lekhabu Inthieng (BSI)

¹⁴ A nakie chun ama chu Isûn Pathien biekinah a hmu a, a kuomah, “Ngai rawh, i dam ta hi, thil suksuol nâwk ta naw rawh, chuongnaw chun, thil ṭha naw nâwk zuol i chungah hung um rawi a tih,” a ta.

JOHAN 5:14 Iomraidhean Croise

2 CHANCHIN SUINA 28:22

Chuongchun, hi lal Ahaz hi, a lunginzîng hun laia khawm chun Lalpa chungah a bawsiet zuol det pei a.

NEHEMIA 9:28

Nisienlakhawm, râlmuonga an hung um hnung chun i mithmuah thil ṭha naw an thaw nâwk el a: chuleiin, an hmêlmahai kutah i pêk a; chuongchun, an chungah thu an nei a; nisienlakhawm, an hung inleta an ko lai che khan vâna inthawkin i lo ngai a; vawi tamtak i zainêmna chun i sansuok a.

INPÂKNA HLABU 118:18

Lalpa chun nasatakin a mi thunun a, Thina kuoma ruok chun a mi pêk êm nawh.

INPÂKNA HLABU 18:22

A dânhai po po ka hmaah a um hlak a, A thuruothai chu ka pei ngai si naw a.

INPÂKNA HLABU 27:6

Tuhin chu a mi dotu, a mîn huolvêltuhai chungtieng ka lu hi dawm kângin um a tih, Chuongchun, a puon ina chun hlimna inthâwinahai inhlân ka tih; Hla sak ka ta, anih, Lalpa inpâkin hla sak ka tih.

INPÂKNA HLABU 9:13

Aw Lalpa, mi lunginsiet la, A mi theidatuhai leia ka lunginzîngna hi en ta, Nang thina kawtkhâra inthawka mi sansuok hlaktu;

ISAI 38:20

Lalpa chu a mi sandam dingin ân zosa zing a nih, Chuleiin, ka dam sûng po poin, Lalpa ina chun, Ka hlahai hi ṭingṭang leh sak ka tih.

ISAI 38:22

Hezekia khawm chun, “ Lalpa inah hang fe nâwk ka tih ti hrietna ieng inchikna am hung um a ta?” a lo ti tah a nih.

LEVI DÂN 13:20

Thiempu chun lo en a ta, vun nêka inthûka ân lang a, a hmul chu a hung vâr chun, thiempu chun inthiengnaw a nih ti a puong ding a nih; inphârna hri a na, khuoihlia inthawk chun a hung inṭan a nih.

LEVI DÂN 26:27

“Chuong sa khawma ka thu in pawm naw a, a mi kalzâwnga in la um ta rawp chun,

LEVI DÂN 7:12

Lâwmthu hrilna dinga ân hlân chun, lâwmthu hril inthâwinaa chun hrieka hmet chawl ṭhanglo bei le, hrieka nâl chawl ṭhanglo beiphêk inphânhai le, hrieka hmet beiphit inditak inchie zawp ân hlân sa ding a nih.

MATTHAI 12:45

Chu phingleh a va fe a, ama nêka suol lem khawhri dang pasari a hung ṭhuoi a, chutaka chun an lût a, an um zing hlak a, chu mihriem um dân nuhnung lem chu a hmasa nêkin a hung ṭha naw lem hlak a nih. Chuong ang bawkin tulai ruolthar suol takhai chunga hin la um a tih,” tiin a dawn a.

MARKA 2:5

Chuongchun, Isûn an ringzie chu a lo hmu a, mi zeng kuoma chun, “Naupa, i suolhai ngaidam a ni tah,” a ta.

JOHAN 5:13

Nisienlakhawm, sukdama um chun tû a ni a hriet naw a, chutaka chun mipui an um leiin Isu a fe hmang ta si a.

JOHAN 5:5

Chutaka chun, kum sâwm thum pariet natna nei mi tu amanih a um a.

JOHAN 8:11

Ama chun, “Lalpa, tukhawmin an mîn changtir nawh,” a ta. Chun, Isûn, “Kei khawmin thiemnaw kân changtir naw che; fe la, tuta hnung chu suksuol nâwk ta naw,” a ta.]

1 PETER 4:3

Jentailhai dit zâwng thâwna ding le, hurnaa dâm, taksa châknaa dâm, uoin hênaa dâm, zu hmun hlimnaa dâm, zu dâwn khâwmnaa dâm, milim biekna tirdakumtaka dâma umna ding chun kha hma kha a huntâwk tah.