JOHAN 4:23 - Pathien Lekhabu Inthieng (BSI)

²³ Chuongchun, a hun a tlung ding a ni tah, tu khawm hin a tlung zing tah, chu pha chun Pathien chibai bûktu taktakhaiin thlarau le titaktakin Pa chibai bûk an tih, Pa chun chuong ang mi chu ama chibai bûktu dingin a zawng a nih.

JOHAN 4:23 Iomraidhean Croise

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

INPÂKNA HLABU 147:11

Lalpa chun ama ṭituhai chunga chun lâwmna a nei hlak, A ngilneina beiseituhai chunga chun.

INPÂKNA HLABU 17:1

Aw Lalpa, ka felna thu hi hre la, ka khêk ri hi ngâi bawk la, Ka ṭawngṭâina, khêl hril hmang hmûra inthawka suok ni lova hin na lo sit la.

INPÂKNA HLABU 32:2

Mi Lalpain rîtlona neia a ruot naw, A thlaraua hlêmna hrim hrim um naw chu, a hamṭha.

INPÂKNA HLABU 51:6

Ngai ta, sûngril tiengahai hin takna i dit hlak a, Chuongchun, ân lang naw tienga hin varna mîn hriettir i tih.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

HLAHAI HLA 2:14

Aw ka vaṭhu, lungpui kawi kârahai chun chêng a, Ṭênbaram kuokârhaia um, I hmêl mîn hmutir la, i râwl mîn hriettir rawh; I râwl chu ân nêm a, i hmêl hlak ngaino a bei si a.

ISAI 10:20

Chun, chu ni chun, Israelhai hlabîkhai le Jakob sûnghai laia a la dam sunhai chun anni thattu chu ring nâwk ta naw ni hai a; Lalpa Israelhai Mi Inthieng chu, titakzetin ring lem tâng an tih.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ISAI 58:2

Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a hung kîr tehlêm ringawt a, Lalpa chun a tih,” tiin.

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

EZEKIEL 22:30

Anni lai chun mi, ram chu ka suksiet nawna dinga dâi chu siem ṭha ding le, ram ta dinga, ân âwngnaa ka hmaa ngîr ding ka zawng a, nisienlakhawm, tukhawm ka hmu naw a,

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 12:23

Chun, Isûn a dawn a, an kuomah, “Mihriem Naupa chawimawia a um hun chu a tlung tah.

JOHAN 16:2

Inkhâwmna inahai inhnawngtir an ti cheu a, anih, tûkhawm a sukhlumtuhai cheu chun Pathien chungah thilṭha thawin inhrieng an tih, chuong ang hun chu a tlung ding a nih.

JOHAN 16:32

Ngai ro, a hun a tlung ding a ni tah, anih, a tlung zing tah, chu pha chun, mâni in sengah indar vawng in tih, keia khât chauin mi thlâthlam in tih; nisienlakhawm, Pa ka kuoma a um leiin makhât chauin ka um si nawh.

JOHAN 4:21

Chun, Isûn a kuomah, “Nuhmei, ka thu awi rawh, hi tlânga kher naw khawm, Jerusalema kher naw khawm, Pathien chibai in bûk hun a tlung ding a ni tah.

JOHAN 5:25

Titakzetin, titakzetin ka hril cheu hi, a hun a tlung ding a ni tah, tu khawm hin a tlung zing tah, chu pha chun mithihaiin Pathien Naupa râwl hrieng an ta, a hre taphawt hring an tih.

JOHAN 5:28

Hieng hi mak ti naw ro, a hun a tlung ding a ni tah, chu pha chun thlâna um po poin a râwl hrieng an ta,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:9

Ka ṭawngṭainahaia chun malovin ka hrietzing hlak cheu ti chu, A Naupa Chanchin Ṭha puonga ka thlaraua a rawng ka ibâwl Pathien chu a mi hrepuitu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in chang a ni si naw a; nau nina thlarau in chang lem a nih; chu thlarau zâra chun, “Abba! (Pa)” tiin ei khêk hlak hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:26

Chuong ang bawkin, Thlarau chun ei hrât nawnahaiah a mi ṭhangpui hlak a; ieng anga ṭawngṭai ding am a ni ti ei hriet si naw a; nisienlakhawm, Thlarau chun inrûm hril ruol lovin a mi ṭawngṭai pêk hlak.

GALATI 4:6

Chun, nau in ni leiin Pathienin a Naupa Thlarau chu, “Abba! (Pa!)” tia khêkin, ei lungrilah a hung tir a.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnemngai tak le hni tlatin ngaiven ro:

PHILIPPI 3:3

Eini Pathien Thlarau zâra Pathien bie le, Krista Isu suong le, taksa chunga ringna innghat nawhai hi, Sertanhai ei ni lem si a.

JOSUA 24:14

Chuleiin, Lalpa chu ṭi unla, titakzet le indiktakin a rawng bâwl unla, in thlatuhaiin Vadung râl le Aiguptaa a rawng an bâwl hlak pathienhai kha pei vawng unla, Lalpa rawng chu bâwl ro.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

1 SAMUEL 12:24

Lalpa chu ṭi phawt el unla, in lungril po poin titakzetin a rawng bâwl unla, in ta dinga thil a thaw ropuizie hi ngaituo ro khai.