JOHAN 4:10 - Pathien Lekhabu Inthieng (BSI)

¹⁰ Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 4:10 Iomraidhean Croise

INPÂKNA HLABU 10:17

Lalpa, zainêmhai dit zâwng chu ngaipêk i ta; An lungril chu buotsai i ta, i na chu inngaitir bawk i tih:

INPÂKNA HLABU 46:4

Vadung pakhat a um a, chu kau chun Pathien khawpuihai chu a suklâwm hlak, Achunghnungtak umna hmun inthieng chu.

FESUOKNA 17:6

Ngai ta, Horeba lungpui chunga sawn i hmaah ngîr ka ta; chun, lungpui chu vuong i ta, a sûnga inthawkin tui hung suok a tih, mipuiin an dâwn theina dingin,” a ti a. Mosie chun Israel upahai mithmu ngeiah chuong ang tak chun a thaw ta a.

HLAHAI HLA 4:15

Nang chu huona tuikhur, tuisunsuo hnâr nei le, Lebanona vadungtê luonghai i nih.

ISAI 12:3

Chuleiin, sandamna tuikhura inthawk chun hlimtakin tui la chawi in tih.

ISAI 35:6

Chu pha chun kebaihai chu sakhi angin inchâwm an ta, ṭawng theinawhai lei chun hlimtakin hla sak a tih; thlalêra chun tuihai chu hung inkhaw suok huou huou a ta; ram ṭâwla chun vadunghai tui chu hung inchik suok hur hur bawk a tih.

ISAI 42:6

“Kei Lalpa hin felnain ka ko che, i kut chel ka ta, humhim ka ti che a, mihai thuthlung ding le, Jentailhai sukvartu dingin ka ruot che a nih:

ISAI 43:20

Ka mi, ka ithlanghai chu dâwn ding ka pêk theina dingin thlalêra chun tuihai kân umtir leiin ramsahai chun mi chawimawi an ta, sihalhai le vate rîngsei chen khawmin;

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 2:13

Ka mihai chun thil ṭha naw pahni chu an thaw ta si a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

EZEKIEL 16:35

“Chuleiin, aw nang nawchizawr, Lalpa thu chu lo hre rawh:

ZEKARIA 13:1

“Chu ni chun inthieng nawna le suolnaa dingin, David sûngkuo le Jerusalema chêngtuhai ta dingin tuikhur hawngpêk nîng a tih,”

ZEKARIA 14:8

Chun, chu nia chun tui hringhai Jerusalema inthawkin hung suok a ta; a chenve chu saktieng tuipuiah, a chenve chu thlangtieng tuipui-ah, nipui lai le thlasik huna khawm a ni ding a nih.

LUKA 11:13

Chuongchun, nangni mi suol hmanin in nauhai thil ṭha pêk nachâng in hriet chun, in Pa vâna mi chun a hnituhai chu Thlarau Inthieng a va pêk âwm ngei de e!” a ta.

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 6:35

Chun, Isûn an kuomah, “Kei hi hringna bei chu ka nih, tûkhawm ka kuoma hung chu phîngṭâm naw ni, tûkhawm a mi ring chu iengtika khawm dangchâr naw ni.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

THILTHAWHAI 9:11

Lalpa chun a kuomah, “Tho la, kawtthlêr, ‘Tlûn’ an tia chun fe la, Juda inah, Tarsa khuoa mi, a hming Saula indawn suok rawh; ngai ta, a ṭawngṭai zing a nih,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla lova, ei rênga aia petu chun, thil dang po po khawm a thlâwnin a mi pêk sa naw ding am a nih?

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

1 KORINTH 10:4

an rêngin thlarau tieng dâwn ding hmunkhat khawm an dâwn seng kha; anni zuitu thlarau tieng lungpuia kha an dâwn seng kha; chu lungpui chu Krista a nih.

2 KORINTH 9:15

A thilpêk hril thei ruollo leiin Pathien kuomah lâwmthu um raw se.

EPHESI 2:8

Ringna leia lunginsietnaa sandam in ni si a, chu khawm chu nangnia inthawka suok a ni naw a, Pathien thilpêk a nih.

HEBRAIHAI 6:4

Chun, vawikhat lungril sukvara lo um tah, vân thilpêk intem ta a, Thlarau Inthieng changtu ni ta a,

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 21:6

Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura inthawkin a thlâwnin pêng ka tih.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.