JOHAN 3:35 - Pathien Lekhabu Inthieng (BSI)

³⁵ Pa chun Nau a hmangai a, a kutah iengkim a rêngin a pêk tah.

JOHAN 3:35 Iomraidhean Croise

INṬANNA 41:44

Chun, Pharaoin Josef kuomah, “Kei Pharao ka nih, nanga thu naw chun Aigupta ram sûng po poa hin tukhawmin an kut amanih, an ke amanih inlet naw ni hai,” a ta.

INṬANNA 41:55

Aigupta rama mi po po chu an ṭâm phingleh Pharao kuomah fâk ding hniin an khêk a. Pharao chun Aigupta mi po po kuoma chun, “Josef kuomah fe unla, a hril taphawt cheu chu thaw ro,” a ti a.

INPÂKNA HLABU 2:8

Mi hni rawh, chuongchun, i rohluo dingin hnam tin pêng ka ti che a: Kâwlkil tâwp chenin i ro dingin pe bawk ka ti che.

THUVARHAI 8:30

Chuong lai chun amaa chun sinthaw hotu ang ka lo ni tah a; Chun, ama hmaa chun hlima um rawpin, Ni tina a lâwmna chu ka lo ni ta a.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

MATTHAI 17:5

A la hril lai zingin ngai ta, sûm vârtakin anni a hung hlie ta a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

MATTHAI 3:17

Chun, ngai ta, vâna inthawkin râwlin “Hi hi ka Naupa dittak, ka ilâwm bêk bêk chu a nih,” a ta.

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

JOHAN 13:3

Isûn Pain a kuta thil iengkim ân kawltir dâm, Pathien kuoma inthawka hung suok a ni dâm, Pathien kuoma a fe ding dâm hre zingin,

JOHAN 15:9

“Pain a mi hmangai ang bawkin kei khawmin ka hmangai cheu hi; ka ihmangaiin um zing ro.

JOHAN 17:2

khânga mi po po chunga thuneia i siem khan, a kuoma i pêkhai po chu chatuona hringna a pêk theina dingin.

JOHAN 17:23

kei anniah, nang keimaah, anni pumkhata an um a, an famkim theina dingin, nangin kei i mi tir ti le, i mi hmangai angin anni hi i hmangai ti, khawvêlin an hriet theina dingin.

JOHAN 17:26

Chun, an kuomah i hming kân hriettir a, inhriettir nâwk rawp ka tih; nangin kei i mi hmangaina kha anniah a um a, kei khawm annia ka um theina dingin,” a ta.

JOHAN 5:20

Pain Naupa a hmangai a, a thilthaw taphawt a kuomah ân entir hlak; hieng nêka thil ropui lem hi a kuomah lân entir a tih, mak in ti dingin.

JOHAN 5:22

Pain tû thu khawm a rêlpêk ngai nawh, thu po po Naupa ân rêltir lem a;

1 KORINTH 15:27

“Ama chun a ke hnuoiah iengkim a sie si a”; nisienlakhawm, “A hnuoiah iengkim siein a um”, ti hin, a hnuoia iengkim sietu chu a ṭhang ve nawh ti ân lang zing a nih.

EPHESI 1:22

Chun, thil tinrêng a ke hnuoiah a sie a, ama chu iengkim po po chunga lu dingin kohranhai kuoma chun a pêk a,

HEBRAIHAI 1:2

hieng ni nuhnunghaia hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.

1 PETER 3:22

Isu Krista chu vâna fein, Pathien chang tieng a um a, vântirkohai dâm, thuneina dâm, thilthawtheina dâm, ama thu thua inumtirin a um.