JOHAN 3:34 - Pathien Lekhabu Inthieng (BSI)

³⁴ Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

JOHAN 3:34 Iomraidhean Croise

2 LALHAI 2:9

Chun, an kai hnung chun Elija chun Elisa kuomah, “I kuoma inthawka lâk hmang ka ni hma hin, i ta dingin ieng am thawpêk ka ti che a, mi hni rawh?” a ta. Chun, Elisa chun, “I thlarau chan lehni hi ka chungah um raw se, ka ngên che hi,” a ta.

INPÂKNA HLABU 45:7

Felna chu i ngaina a, rîtlona chu i theida kha; Chuleiin, Pathien, i Pathien chun i ruolhai nêka nasain, Hlimna hriek a nâl ta che hi.

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

LEVI DÂN 7:35

Hi hi a nih, Aron le a naupasalhai chanpuol dinga, Lalpa kuoma mei hmanga thilinhlânhaia inthawka sie hran, anni chu thiempu sin thaw a, Lalpa rawngbâwl dinga inhlân an nia inthawka an chanpuol ding chu;

NAMBAR 11:25

Chuongchun, Lalpa chu sûma chun a hung ṭum a, a hung biek a, amaa thlarau chu upa sâwmsari hai chunga chun a sie a. Thlarâu chu an chunga a hung um phingleh thu an hril ta duol a; nisienlakhawm, chuong ang chun an thaw an thaw nâwk ta nawh.

MATTHAI 12:18

“En ta, ka siehlaw, ka ithlang, Ka idittak, ka lungrilin a ilâwm bêk bêk hi; A chungah ka Thlarau sieng ka ta, Chuongchun, Jentailhai kuomah rorêlna thu hril a tih.

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

JOHAN 1:16

A famkimna ei chang seng, lunginsietna chunga lunginsiet nâwksâwnna leh.

JOHAN 15:26

“Chun, ka Pa kuoma inthawka Thlamuongtu in kuoma ka hung tir ding, Paa suok Thlarau indiktak chu, a hung tlung pha, ama chun ka thu inhriettir a tih;

JOHAN 16:7

“Nisienlakhawm, thu indiktak ka hril cheu hi, ka fe in ta dingin a ṭha; ka fe naw chun Thlamuongtu chu in kuomah a hung naw ding a ni si a; kei ka fe ruok chun in kuomah hung tir ka tih.

JOHAN 3:17

Khawvêl thiemnaw inchangtir dingin Pathienin a Nau khawvêlah a tir nawh, khawvêl ama leia an dam theina dingin a tir a ni lem.

JOHAN 5:26

Pa chun mânia hringna a nei ang bawkin, Naupa mânia hringna neiin a siem;

JOHAN 7:16

Chun, Isûn anni chu a dawn a, “Ka thu inchûktir hi ka ta a ni naw a, a mi tirtu ta a ni lem.

JOHAN 8:40

Nisienlakhawm, tuhin mi that in tum si. Pathien kuoma inthawka thutak ka ihriet hriltu cheu ka nih in sawnnaw; Abraham chun hieng hin a thaw naw kha.

JOHAN 8:47

Pathien kuoma inthawka suok chun Pathien thu a pawm hlak; hi lei hin in pawm naw a nih, Pathien kuoma inthawka suok in ni naw leiin,” a ta.

THILTHAWHAI 1:2

Thlarau Inthieng ṭhangpuia a tirko thlanghai kuoma thu a tiem zoa, vân tienga ṭhuoia a um ni chena thu kha.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:2

Krista Isua Hringna Thlarau dân chun suolna le thina dâna inthawk chun a mi sansuok ta si a.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

KOLOSSA 1:19

Pa lungni zâwngtak chu hi hi a ni si a: Pathien famkimna tinrêng chu amaa a um zing le,

KOLOSSA 2:9

Amaa chun Pathien famkimna tinrêng chu taksa neiin a um zing si a.

THUPUONGSUO 21:6

Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura inthawkin a thlâwnin pêng ka tih.

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.