JOHAN 3:3 - Pathien Lekhabu Inthieng (BSI)

³ Isûn a dawn a, a kuomah, “Titakzetin, titakzetin ka hril che hi mi tûkhawm an pieng thar naw chun, Pathien ram hmu thei naw ni hai,” a ta.

JOHAN 3:3 Iomraidhean Croise

JEREMIA 5:21

Aw hrietthiemna boa mi invêthai, tuhin hi hi lo ngai ta u; mithai nei sia, hmu lohai, nahai nei sia hre lohai;

EZEKIEL 36:26

Lungril thar pêng ka ti cheu a, thlarau thar nangniah sie bawk ka tih; chun, in taksaa inthawkin lungril lung ang chu la hmang ka ta, lungril taksa anga innêm pe lem ka ti cheu.

MATTHAI 16:17

Chun, Isûn a kuomah, “Simon Bar-Jona, i hamṭha ie; tisa le thisenin ân hriettir che a ni si naw a, ka Pa vâna mîn ân hriettir lem che a nih.

MATTHAI 19:24

Ka hril nâwk cheu hi, mi hausa Pathien rama a lût nêkin, sanghâwngsei ṭhimnaa a lût thleng a awl lem,” a ta.

MATTHAI 21:31

Chuonghai pahni atu lem chun am an pa dit zâwng an thaw a?” a ta. Anni chun, “A hmasa lem chun,” an ta. Isûn an kuomah, “Titakzetin ka hril cheu hi, siedâwltuhai le nawchizawrhai chun, Pathien ramah an lût khal ding cheu a ni hi.

MATTHAI 5:18

Titakzetin ka hril cheu hi, hnuoi le vân hi a bo hmakhat chun Dân thua sunhâng chite amanih, thaihâng chite amanih, pakhat khawm, bo naw tawp a tih, a rênga a tlung kim hmakhat chun.

MARKA 10:14

Nisienlakhawm, Isûn chu chu a hmuin a lung a ni naw bêk bêk a, an kuoma chun, “Naupangtêhai ka kuomah inhungtir unla, khap naw ro; Pathien ram chu hieng ang mihai ta a ni si a.

MARKA 9:47

Chun, i mitin a sukthlûk che chun khel dawk el rawh, mit khingkhat neia Pathien rama lût i ta dingin a ṭha lem: mit khinghni neia Hremhmuna peia um nêk chun,

JOHAN 1:13

Chuong mihai chu thisena nei an ni naw a, tisa dit zâwnga nei an ni bawk naw a, pasal dit zâwnga nei khawm an ni naw a, Pathien inei an ni lem.

JOHAN 1:5

Var chu inthim lai a hung var a, inthimin chu chu a hriet nawh.

JOHAN 1:51

Chun, Isu bawkin a kuomah, “Titakzetin, titakzetin ka hril cheu hi, vân inhawngah, Pathien vântirkohai Mihriem Naupa chunga hin a lâwn le a ṭum la hmûng in tih,” a ta.

JOHAN 12:40

“Amain an mit a sukdel a, An lungril a sukngar a; Chuong naw chun, an mitin hmu rawi an ta, An lungrilin hrethiem rawi an ta, Ngha kîr nâwk rawi an ta; Keiin anni sukdam rawi ka tih,” ti a hril nâwk lei hin.

JOHAN 3:4

Nikodemin a kuomah, “Mi a tar hnungin iengtin am pieng thei a ta? A nu sulah vawi hni lûtin a pieng ding am a nih?” a ta.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

2 KORINTH 5:17

Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.

GALATI 6:15

Siem thar nâwkna naw chu sertan hi iengkhawm a ni naw a, sertannaw khawm iengkhawm a ni chuong bawk nawh.

EPHESI 2:1

Nangni khawm in bawsiet le in suolhai leia thi in ni lai khan, a sukhring cheu a nih,

DÂN PAHNINA 29:4

Nisienlakhawm, Lalpain vawisûn chen hin hriet thiemna lungril dâm, hmu theina mit dâm, hriet theina nakâwr dâm a la pêk naw cheu a nih.

TITA 3:5

thil feltaka thaw, eini ngeia thawhai chu, chu lei chun ni lovin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,

1 JOHAN 2:29

Ama chu mi fel a nih ti in hriet chun, mi tûkhawm felna thaw chu ama inei a ni ti in hriet.

1 JOHAN 3:9

Tûkhawm Pathien inei chun, Pathien chi amaa a um leiin suol a thaw zawm zing ngai nawh, Pathien inei a ni lein suol a thaw zawm zing thei bawk nawh.

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

1 JOHAN 5:18

Tûkhawm Pathien inei chun thil a suk suol zing ngai nawh ti ei hriet; Pathien inei khan ama chu a hum zing a; Mi suol chun a tâwk thei nawh.

1 JOHAN 5:4

Pathien inei taphawt chun khawvêl a hne pei si a; hi hi khawvêl hnea ngamna chu a nih, ei ringna hi.

THUPUONGSUO 3:14

“Chun, Laodikeia tirko kuoma chun hieng hin ziek rawh: “Amen, thuhretu ringum le indiktak, Pathien thilsiem bul khan, hieng thu hi a hril a nih;