JOHAN 3:21 - Pathien Lekhabu Inthieng (BSI)

²¹ Amiruokchu tûkhawm a thaw dik phawt chu, an thilthawhai Pathien leia thaw an ni ti ân langna dingin, varah an hung hlak,” a ta.

JOHAN 3:21 Iomraidhean Croise

INPÂKNA HLABU 119:105

I thu hi ka kehai ta dingin khâwnvar a na, Ka lampuia dingin var a nih.

INPÂKNA HLABU 119:80

Ka muolpho nawna dingin, Ka lungril hi i thuruothaia chun ṭha famkimin um raw se.

ISAI 26:12

Lalpa, nangin inremna mi ruotpêk i ta; nangin kan sin po po khawm i mi thawpêk si a.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

HOSEA 14:8

Aw Ephraim, milimhai leh inzâwlna ieng am ka nei a? Kei hi a suklâwmtu che ka na, A tungdingtu che khawm ka nih. Kei chu fâr thing hring dup ang ka na, I ra ṭhahai chu keima kuoma inthawk a nih.

JOHAN 1:47

Isûn Nathanael a kuoma hung ding chu a hmu a, a chanchin a lo hril a, “En ta u, Israel mi tak, rîtlona hrim hrim nei lo saw,” a ta.

JOHAN 3:20

Tûkhawm thil suksuol taphawt chun var an theida hlak, vara khawm an hung nawh, chuong naw chun, an thilthawhai inlang a tih.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni si a.

JOHAN 7:17

Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

GALATI 6:8

Mani tisa tienga thetu chun tisaa sietna chu sîk a tih; Thlarau tienga thetu ruok chun Thlaraua chatuona hringna a sîk ding a nih.

EPHESI 5:9

(var ra chu ṭhatna le felna le thutak po poah ânlang si a).

PHILIPPI 1:11

Pathien ropuina le inpâkna ding Isu Krista zâra felna ra chun hung sip thei in tih.

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni si a.

KOLOSSA 1:29

chuong anga inngîrtir thei dingin, nasataka keimaa sin a thaw, chu a sinthaw ang peia thaw ṭâlin, ka thaw hrim bawk hlak a nih.

HEBRAIHAI 13:21

a mithmua a lâwm zâwng ang taphawt Isu Krista zârah keinia thâwin, a dit zâwng thaw dingin thil ṭha tinrêng kawngah sukfamkim raw se cheu; Isu Krista kuoma chun ropuina chatuonin um raw se. Amen.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 JOHAN 1:6

Inthima um siin, “Ama ka pâwl,” ei ti chun khêl ei hril a nih, thutak khawm chu ei zâwm nawh.

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.

THUPUONGSUO 3:15

I thilthawziehai ka hriet, i dei chuong naw a, i lum chuong naw hi; i dei amanih, i lum amanih ka nuom a nih.