JOHAN 3:10 - Pathien Lekhabu Inthieng (BSI)

¹⁰ Isûn a dawn a, a kuomah, “Israelhai inchûktirtu i ni si a, chuong chu i hriet naw maw?

JOHAN 3:10 Iomraidhean Croise

1 CHANCHIN SUINA 29:19

ka naupa Solomon kuoma khawm, i thupêkhai le, i thu inhriettirhai le, i thuruothai chu zâwm dingin le, hieng thilhai po po hi thaw a, a châkkhai ka lo sielâwk tahai chun lalin bâwl dingin lungril ṭha famkim pe bawk rawh,” a ta.

INPÂKNA HLABU 51:10

Aw Pathien, keimaa hin lungril inthiengtak siem la, Ka sûnga hin thlarau indiktak siem thar nâwk rawh.

INPÂKNA HLABU 51:6

Ngai ta, sûngril tiengahai hin takna i dit hlak a, Chuongchun, ân lang naw tienga hin varna mîn hriettir i tih.

INPÂKNA HLABU 73:1

Pathien chu Israelhai chungah a lo ṭha ngei a, Lungrila inthienghai chunga chun.

ISAI 56:10

A râl vêngtuhai chu an mit ân del a, hrietna nei naw ruok an na; ui râwl nei lo ruok an na, an inngak thei nawh; mang nei a, zâl zing a, imu hêmi an nih.

ISAI 9:16

Hieng mihai ṭhuoituhai hin an ṭhuoi suol hlak a nih, an iṭhuoihai chu sukbohmangin an um hlak a nih.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, Lalpa chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

EZEKIEL 11:19

Anni chu lungril hmunkhat pêng ka ta; nangmaa chun lungril thar sie bawk ka tih; chun, an tisaa lungril lung anga ngar chu lâng ka ta, an kuoma chun tisa lungril innêm pêng ka tih.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

MATTHAI 22:29

Isûn a dawn a, an kuomah, “Pathien Lekha thu le, Pathien thilthawtheina in hriet naw leiin in ngai suol hlak a nih.

LUKA 2:46

Chun, ni thum chena chun, Pathien biekinah, inchûktirtuhai laia ṭhungin, an thu lo ngai a, lo indawnin an hmu ta a.

LUKA 5:17

Chun, chuong lai chun, ni khat chu ân chûktir a. Chun, a kâwlah Pharisaihai le dân hretuhai ṭhungin an um a, chuonghai chu Galili ram le, Judai ram khaw tina inthawk le Jerusalema inthawka hung suok an na; chun mi sukdamna dingin Lalpa thilthawtheina chu a kuomah a um a.

JOHAN 3:9

Chun, Nikodemin a dawn a, a kuomah, “Chuong thil chu iengtin am um thei a ta?” a ta.

THILTHAWHAI 5:34

Nisienlakhawm, rorêltuhai lai chun, a hming Gamaliel, Pharisai, Dân hretu, mi po po laia hminginthangtak, mi pakhat chu a ngîr a, chuhai chu insuoktir phawt dingin thu a pêk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:28

Ân lang ela Juda mi ni chu Juda mi tak a ni naw a; ân langa taksa mei meia sertan chu sertan tak tak a ni chuong naw bawk.

DÂN PAHNINA 10:16

Chuleiin, in lungril ser chu tan unla, kâwmaw ta naw ro.

DÂN PAHNINA 30:6

In hring theina dinga Lalpa in Pathien chu in lungril po po le in lungvar po poa in hmangai theina dingin Lalpa in Pathienin in lungril le in thlahai lungril ser chu tanpêk a ti cheu a.

PHILIPPI 3:3

Eini Pathien Thlarau zâra Pathien bie le, Krista Isu suong le, taksa chunga ringna innghat nawhai hi, Sertanhai ei ni lem si a.

KOLOSSA 2:11

Krista sertannaa chun mihriem tisa suol chu hlîp vawngin, ama bawka chun kuta sertan ni lova sertan in ni kha.