JOHAN 21:22 - Pathien Lekhabu Inthieng (BSI)

²² Isûn a kuomah, “Ka hung nâwk chena um zing dingin dit lang lem chu, chu chu ienga i hmang ding am a na? Nangin mi zui el rawh,” a ta.

JOHAN 21:22 Iomraidhean Croise

MATTHAI 16:24

Chun, Isûn a închûktirhai kuomah, “Tukhawmin mi zui a nuom chun, mâni inhnâwlin, a kraws putin, mi zui raw se.

MATTHAI 24:27

Kâwl saktieng a hung inlep a, thlangtieng chen khawmin ân lang hlak. Mihriem Naupa hung nâwkna chu chuong ang chu a ni ding a ni si a.

MATTHAI 24:3

Chun, Oliv tlânga a ṭhung laiin inchûktirhai chu anni khâtin a kuomah an hung a. “Chuong chu iengtik am hung um a ta? I hung nâwkna le khawvêl tâwpna inchikna chu ieng am nîng a ta? mi hril rawh,” an ta.

MATTHAI 24:44

Chuleiin, nangni khawm inring zingin um ro, in ring naw hunah Mihriem Naupa a hung din g a ni si a.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 8:22

Nisienlakhawm, ama chun a kuomah, “Mi zui rawh, mithiin anni mithi chu vui raw se,” a ta.

MARKA 9:1

Chun, ama bawkin an kuomah, “Titakzetin ka hril cheu hi, hitaka ngîr aṭhenhai hi Pathien ram chu thilthawtheina le a hung tlung an hmu hmâkhat chu thina intem tawp naw ding an um,” a ta.

JOHAN 21:19

Chuong thu chu ienganga thiin am Pathien a chawimawi ding ti inhriettirna dingin a hril a nih. Chun, chu chu a hril zoin a kuomah, “Mi zui rawh,” a ta.

JOHAN 21:21

Peterin ama chu a hmu chun Isu kuomah, “Lalpa hi mipa hin ieng am thâwng a ta?” a ta.

1 KORINTH 11:26

Chu bei chu in fâk a, no chu in dâwn zâtin, Lalpa hung nâwk hmakhat a thina chu in puong hlak a ni si a.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

1 THESSALONIKA 2:19

Kan beiseina amanih, kan hlimna amanih, kan lallukhum suong amani chu ieng am a na? A hung phaleh ei Lalpa Isu hmaa chun nangni ngei in ni ding a ni naw am a nih?

JAKOB 5:7

Chuongchun, unauhai, Lalpa hung nâwk hmakhat chu seltakin lo um ro. Ngai ta u, lo neitu chun ruo tui tla hmasa le nuhnung chu a hmu hmakhat chu seltakin hnuoi ra hlutak chu a nghâk hlak.

JAKOB 5:8

Nangni khawm seltakin um ro; in lungril sukdet ro; Lalpa hungna chu a hnai ta si a.

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 2:25

In nei sa ruok kha chu ka hung hmakhat chun kawl tlat ro.

THUPUONGSUO 22:20

Hieng thu inhriettirtu hin, “Anih, ka hung vak ding a nih,” a tih. Amen, hung ta la, Lalpa Isu.

THUPUONGSUO 22:7

Chun, ngai ta, ka hung vak ding a nih,” a ta. Hi lekhabu hrillâwkna pawm taphawt chu an hamṭha.

THUPUONGSUO 3:11

Ka hung vak ding a nih, tûkhawmin i lallukhum chu an lâkpêk nawna ding chein, i thil nei sa kha kawl tlat rawh.