JOHAN 21:17 - Pathien Lekhabu Inthieng (BSI)

¹⁷ A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

JOHAN 21:17 Iomraidhean Croise

2 SAMUEL 7:20

David hin i kuomah ieng am hril nâwk chuong tâng a ta? I siehlaw hi i hriet vawng si, Aw Lalpa Pathien.

1 LALHAI 17:18

Chun, ama chun Elija kuomah, “Aw nang Pathien mi, nang le kei hi ieng am ei ni leh? Ka suolna inhrietsuoktir ding le ka naupa mi thatpêk dinga hung i ni hi tie!” a ta.

1 CHANCHIN SUINA 17:18

i siehlaw chawimawia a um chungthua hin, hi bâk hi David hin ieng am i kuoma la hril sa rawp a ta? I siehlaw chu i hriet chieng si a.

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

INPÂKNA HLABU 17:3

Ka lungril hi i fie a, zânah nangin i mi hung sir a; I mi fie ta a, iengkhawm i hmu si naw a; Ka baua hril suol lo chu ka tum tlat a nih.

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

ṬAP HLA 3:33

Nuom thu ngawtin a hremin, mihriem nauhai chu a suklungzîng ngai si naw a.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MARKA 14:72

Chun, âr khuong vawi hnina chu a khuong nghâl ta a; chun, Peter chun Isûn a kuoma, “Âr vawi hni a khuong hmain nangin vawi thum mîn phat i tih, ” a ti thu kha a hung hriet suok ta a. Chuongchun, chu thu chu a ngaituoin a ṭap ta a.

JOHAN 12:8

Pasiehai chu kumkhuoin in kuoma um an nih, kei ruok chu kumkhuoa in kuoma um ding ka ni nawh,” a ta.

JOHAN 13:38

Isûn, “Keima leiin i hringna i pêk ding maw? Titakzetin, ka hril che hi, nangin vawi thum i mîn phat hmakhat chu âr khuong naw ni.

JOHAN 14:15

“Nangnîn in mi hmangai chun, ka thupêkhai chu zâwm in tih.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

JOHAN 16:30

Nangin iengkim i hriet a, tukhawm indawn che i ngai nawh ti tuhin kan hriet tah; hi hi lei hin Pathien kuoma hung suok i ni ti kan awi ie,” an ta.

JOHAN 18:27

Chuongchun, Peter ân pha nâwk a, âr a khuong ta a.

JOHAN 18:4

Isûn a chunga thil tlung ding po po chu a hriet zing a, a va suok a, an kuomah, “Tu am in zawng a?” a ta.

JOHAN 21:18

Titakzetin, titakzetin ka hril che, i naupang lai khan i kâwngah în khit a, i nuomna tieng tieng i fe hlak; nisienlakhawm, i upat pha i kuthai phar i ta, mi dangin khitpêk an ti che a, i nuom nawna tieng kei an ti che,” a ta.

JOHAN 4:16

Chun, Isûn a kuomah, “I pasal va ko la, hitakah hung nâwk rawh,” a ta.

THILTHAWHAI 1:24

Chun, an ṭawngṭai a, “Lalpa, Nang mihriem po po lungril hretu, hienghai hi a tu lem am i thlang mîn hriettir la;

THILTHAWHAI 11:10

Chuong ang ruok chun vawi thum a hung um a; chun, iengkim chu vâna zuk khaiin a um nâwk ta a.

THILTHAWHAI 15:8

Chun, lungril hretu Pathienin eini a mi pêk ang bawk khan, Thlarau Inthieng an kuoma pe vein, an chungah a lâwm ti ân hriettir a;

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

EPHESI 4:30

Chun, Pathien Thlarau Inthieng chu suklungngai naw ro, intlanna nia dingin amaa chun inchika in um kha.

JOSUA 22:22

an kuomah, “Lalpa, pathienhai Pathien, Lalpa, pathienhai Pathien chun a hriet a; Israelhai khawmin hre raw se! Kan maichâm siem hi Lalpa nghatsan tuma hel tumna amanih, thil suksuol tumnaa mania siem kan ni chun, (vawisûn ngei khawm hin mi hla naw el ro)

1 PETER 1:6

Chutaka chun nasatakin in hlim a nih, tuhin, (a ṭûl chun) thlêmna tinrêng leiin lungngai hri unla khawm;

2 PETER 3:1

Dittakhai, tuta in kuoma ka ziek hi ka lekhathawn pahnina a na, chuonga chun, inhrietthartir ding cheuin, in lungril inthieng ka chawkhar ve ve a,

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.