JOHAN 21:15 - Pathien Lekhabu Inthieng (BSI)

¹⁵ Chun, zingbu an fâk zoin, Isûn Simon Peter kuomah, “Simon, Johan naupa, hienghai nêk hin nangin kei i mi hmangai lem am?” a ta. Ama chun a kuomah, “Aw, Lalpa, ka ngaina che ti i hriet,” a ta. Ama chun a kuomah, “Ka berâmtehai châwm rawh,” a ta.

JOHAN 21:15 Iomraidhean Croise

INṬANNA 33:13

Jakob chun a kuomah, “Naupanghai hi an la chîn a, berâm ruol le ran ruol ka kuoma umhai khawm hi te ṭhuoi an nih ti ka lalpain i hriet a; ni khat chau khawm khal hrât taluo inla, ran ruol po po hi thi vawng el an tih.

2 SAMUEL 7:20

David hin i kuomah ieng am hril nâwk chuong tâng a ta? I siehlaw hi i hriet vawng si, Aw Lalpa Pathien.

2 LALHAI 20:3

“Aw Lalpa, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha hre zing dingin ka hung ngên che a nih,” tiin. Chun, Hezekia chu a ṭap ta ngawi ngawi a.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

JEREMIA 23:4

Anni châwmtu ding berâmpu an chunga chun sieng ka ta; ṭit khawm ṭi ta naw ni hai a, beidawng ngai ta bawk naw ni hai a, tlâksam hrim khawm um ta naw ni, Lalpa chun a tih.

JEREMIA 3:15

chuongchun, ka lungril ang takin berâmpu ding pêng ka ti cheu a, ama chun hrietna le hrietthiemnain châwm a ti cheu.

EZEKIEL 34:23

An chunga chun berâmpu pakhat sieng ka ta, ka siehlaw David ngei chu, ama chun anni chu châwm a ta, an ta dingin berâmpu nîng a tih.

EZEKIEL 46:24

Chun, ama chun ka kuomah, “Hieng hi thil suongna in, hi in rawngbâwltuhaiin mihai inthâwinahai an suongna ding chu a nih,” a ti a.

MATTHAI 10:37

“Tukhawm a nu amanih, a pa amanih keia nêka hmangai lem chu ka mi ni tlâk a ni nawh; tukhawm naupa amanih, naunu amanih keia nêka hmangai lem chu ka mi ni tlâk a ni nawh.

MATTHAI 16:17

Chun, Isûn a kuomah, “Simon Bar-Jona, i hamṭha ie; tisa le thisenin ân hriettir che a ni si naw a, ka Pa vâna mîn ân hriettir lem che a nih.

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

MATTHAI 26:33

Peter ruok chun a kuomah, “An rêngin i chungthuah lungnilovin umhai sien khawm, kei chu lungnilovin um nâw tawp ka tih,” tiin a dawn a.

MATTHAI 26:35

Peterin a kuomah, “I thinaa chun thi ve ding ni lang khawm inphat naw tawp ka ti che,” a ta. Chuong ang bawk chun, inchûktirhai po po chun an ti ta seng a.

MARKA 14:29

Peter ruok chun a kuomah, “An rêngin lungnilovin um hai sienla khawm, kei chu um naw ning,” a ta.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

LUKA 22:32

nisienlakhawm, i ringna a bo nawna dingin ka ṭawngṭaipêk che a nih, i ngha kîr nâwk pha nangin i unauhai sukdet rawh,” a ta.

JOHAN 1:42

Chuongchun, Isu kuomah a hung ṭhuoi a, Isûn ama chu a lo en a, “Johan naupa Simon i nih, Kipha tîng an ti che,” a ta, (chu chu Peter tina a nih.)

JOHAN 13:37

Peterin a kuomah, “Lalpa, iengdingin am tu khawm hin zui thei nâwng ka ti che a? Nangma leiin ka hringna pêng ka tih,” a ta.

JOHAN 16:27

Pa ngeiin a hmangai si cheu a, nangnîn kei in mi hmangai a, Pathiena suok ka nih ti in ring leiin.

JOHAN 21:12

Chun, Isûn an kuomah, “Zîngbu hung fa ro,” a ta. Inchûktirhai laia tukhawmin a kuomah, “Tu am i na?” tiin an indawn ngam nawh, Lalpa a nih ti an hriet leiin.

JOHAN 21:7

Chuongchun, inchûktir Isûn a ihmangai khan Peter kuomah, “Lalpa a ni saw,” a ta. Chuongchun, Lalpa a nih ti Simon Peter chun a hriet phingleh, a silfên ân bel a, (ruoka um a ni si a,) dîlah ân châwm thla ta a.

JOHAN 8:42

Isûn an kuomah, “Pathien in Pa a ni chun nangnîn mi hmangai naw ti niu am; Pathien kuoma inthawka suok le a kuoma inthawka hung ka ni si a; keima thua hung ka ni bawk nawh, ama chun a mi tir lem a nih.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

THILTHAWHAI 20:29

Ka fe hnungin satene hrânghai nangni lai hung lût an ta, pâwlruol chu hla naw ni hai ti ka hriet.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:1

Chun, ringnaa hrât naw mi chu, a ringhlana sawisêl lovin, lâwm lem ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:1

Chuongchun, eini mi hrâthai hin mâni lâwmna zawng lovin mi hrât nawhai hrât nawna ei tuorpui lem ding a nih.

1 KORINTH 8:11

Chuongchun, i hrietna lei chun mi hrâtnaw (unau a thi ai Kristain a thipêk) chu suksietin um a tih.

GALATI 5:6

Krista Isua chun sertan iengkhawm a ṭhahnem naw a, sertannaw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

EPHESI 4:14

Chuongchun, indiknawna zâwrna angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei ni a,

EPHESI 6:24

Ei Lalpa Isu Krista chuoilova hmangaituhai po po kuomah lunginsietna um raw se.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

1 PETER 2:2

naute pieng tharhai angin thlarau tieng nênetui iengkhawm pawl lo chu châk ro, chutaka chun sandamna tling khawpa in inṭhang lien theina dingin.

1 PETER 2:25

Berâm inhmang anga in inhmang kha, tu ruok hin chu in thlarau vêngtu le, Hotu kuoma chun in kîr nâwk ta hi.

1 JOHAN 4:19

Amain a mi hmangai hmasak leiin ei hmangai a nih:

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.