JOHAN 21:12 - Pathien Lekhabu Inthieng (BSI)

¹² Chun, Isûn an kuomah, “Zîngbu hung fa ro,” a ta. Inchûktirhai laia tukhawmin a kuomah, “Tu am i na?” tiin an indawn ngam nawh, Lalpa a nih ti an hriet leiin.

JOHAN 21:12 Iomraidhean Croise

MATTHAI 22:46

Chun, tukhawmin bau khat khawma an dawn thei ta naw a; chu ni chena inthawk chu tukhawmin thu dang hrim hrim khawma an indawn ngam ta nawh.

MARKA 9:32

Nisienlakhawm, a thu hril chu a ngaina an hriet naw a; ama hlak chu an indawn ngam si naw a.

LUKA 9:45

Nisienlakhawm, a thu hril chu a ngaina an hriet naw a, an hriet thei nawna dingin ân thup a nih, chu thu hril chanchin chu ama hlak an indawn ngam si naw a.

JOHAN 16:19

Chun, ama indawn an nuom ti Isûn a hriet a, an kuomah, “ ‘Sâwt nawtêah nangnîn kei mi hmu naw ti niu, sâwt nawtêa bawk nangnîn kei mi hmu nâwk in tih,’ tia hi ka thu hril hi in indawn maw?

JOHAN 21:11

Chuongchun, Simon Peter a va chuong a, lên chu nga lien tak taka sipin khawmuolah a hnûk dawk a, za le sâwmnga le pathum a nih; chuong zât zât um sien khawm lên chu ân ek si nawh.

JOHAN 21:15

Chun, zingbu an fâk zoin, Isûn Simon Peter kuomah, “Simon, Johan naupa, hienghai nêk hin nangin kei i mi hmangai lem am?” a ta. Ama chun a kuomah, “Aw, Lalpa, ka ngaina che ti i hriet,” a ta. Ama chun a kuomah, “Ka berâmtehai châwm rawh,” a ta.

JOHAN 4:27

Chuong lai chun a închûktirhai chu an hung a, nuhmei a biek chu mak an ti hle a; nisienlakhawm, tukhawmin, “Ieng am i zawng? Iengdinga nuhmei i biek am?” khawm an ti nawh.

THILTHAWHAI 10:41

amiruokchu, mi po po kuomah ni lovin, a thu hretu ni dinga inhmaa Pathienin a ithlang tah, keini, mithi laia a thonâwk hnunga a kuoma faa dâwntuhai kuoma hin a nih.