JOHAN 20:9 - Pathien Lekhabu Inthieng (BSI)

⁹ Mithi laia inthawkin a thonâwk ding a ni ti Pathien Lekha Thu kha an la hriet si naw a.

JOHAN 20:9 Iomraidhean Croise

INPÂKNA HLABU 16:10

Ka thlarau chu Seol kuomah i mâksan âwm si naw a, I mi inthieng hi hmawnna hmu i phal âwm bawk si naw a.

INPÂKNA HLABU 22:15

Ka tha hi bekawihâr angin a ṭâwl zo vawng a, Ka lei khawm hi ka dangah a kawp ta tlat a; Nangin thina pilvuta hin i mi ṭhuoi lût tah a ni hi.

ISAI 25:8

Thina chu a lem sawng tah; Lalpa Pathien chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; Lalpain chu chu a hril ta si a.

ISAI 26:19

I mithihai chu hring nâwk an ta, an ruonghai chu tho nâwk an tih. Pilvuta umhai, har unla, hlimtakin hla sak ro, i daidâw chu thlaihai daidâw ang a na, hnuoi hin mithihai chu a pei suok ding a ni si a,” ti hi.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Lunginsietna chu ka mita inthawkin thup nîng a tih.

MATTHAI 22:29

Isûn a dawn a, an kuomah, “Pathien Lekha thu le, Pathien thilthawtheina in hriet naw leiin in ngai suol hlak a nih.

LUKA 24:26

Kristain chuong thil chu tuorin a ropuinaah a lût ding a ni hrim naw am a nih?” a ta.

LUKA 9:45

Nisienlakhawm, a thu hril chu a ngaina an hriet naw a, an hriet thei nawna dingin ân thup a nih, chu thu hril chanchin chu ama hlak an indawn ngam si naw a.

JOHAN 2:22

Chuleiin, mithi laia inthawka a thonâwkin, chu thu chu a hril tah ti a închûktirhai chun an hriet nâwk ta a; chun, Pathien Lekha Thu le Isu thu hril chu an ring ta a).

THILTHAWHAI 17:3

Krista chu rinum tuor ding a ni hrimzie dâm, mithi laia inthawka thonâwk ding a ni hrimzie dâm a hrilfie a; a suklang hlak a, “Hi Isu a thu ka hril cheu hi, ama chu Krista a nih,” a ti bawk hlak a.

THILTHAWHAI 2:24

Kha mipa kha Pathienin thina khuopnahai chu a sûtpêk a, a keitho ta a; ama chu thina chel sawng ruol a ni naw leiin.

1 KORINTH 15:4

an phûm a, Pathien Lekha thu ang peiin ni thum nia keithoin a um a.