JOHAN 20:26 - Pathien Lekhabu Inthieng (BSI)

²⁶ Chun, ni riet hnungah, a inchûktirhai chu in sûngah an um nâwk a, Thoma khawm an kuomah a um ve a. Chun, Isu a hung a, kawthai chu khâr a ni si a, anni lai a hung ngîr ta a, an kuomah, “In chungah thlamuongna um raw se,” a ta.

JOHAN 20:26 Iomraidhean Croise

ISAI 26:12

Lalpa, nangin inremna mi ruotpêk i ta; nangin kan sin po po khawm i mi thawpêk si a.

ISAI 27:5

An naw vêk leh, keima le inremna dingin ka hrâtna hi chel raw se; anih, mîn rempui ro.”

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw ni a, ka remna thuthlung chu sawnin um bawk naw ni, Lalpa a lunginsiettu che chun a tih.

MATTHAI 17:1

Chun, ni ruk hnung chun Isûn Peter hai, Jakob hai, a unau Johan hai a ṭhuoi a, a tumin tlâng insângtakah a hang fepui a;

MARKA 16:14

Chun, chu hnung nâwka chun buthlêng an awt laiin sâwm le pakhat hai kuom ngeiah ân lâr nâwk a, a thonâwk hnunga a hmutuhai thu chu an awi naw leiin an awi nawna le an lungril ngar kawnga chun a kâwk tâwl a.

LUKA 24:36

Chun, chuong thu chu an hril laiin ama ngei chu anni lai a hung ngîr a, [an kuomah, “In chungah thlamuongna um raw se,” a ta.]

LUKA 9:28

Chun, chuong thu a hrila inthawk ni riet amanih lai hnunga chun, Isûn Peter hai, Johan hai, Jakob hai chu a ṭhuoi a, ṭawngṭai dingin tlângah a hang fe a.

JOHAN 11:16

Chun, Thoma (Didum an ti bawk) chun, ân chûktir chanpuihai kuomah, “A thinaa thi ve dingin fe vêng ei tiu,” a ta.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

JOHAN 20:19

Chun, chu ni, ni saria ni hmasatakah, khuo a hung inhnu chun, Judahai ṭi leia inchûktirhai umna kawtkhârhai chu khâr a ni hnungin, Isu anni lai a hung ngîr a, an kuomah, “In chungah thlamuongna um raw se,” a ta.

JOHAN 20:21

Chun, Isûn an kuomah, “In chungah thlamuongna um raw se, Pain kei a mi tir ang bawkin ka tir cheu hi,” a ti nâwk a.

JOHAN 21:1

Chun chu hnunga chun, Tiberi dîlah Isu a inchûktirhai kuomah ân lâr nâwk a; hieng ang hin ân lâr;

JOHAN 21:14

Chu chu Isu mithi laia inthawka a thonâwk hnunga a închûktirhai kuoma ân lâr a vawi thumna a nih.

THILTHAWHAI 1:3

Chu tirkohai kuoma chun rinum chu a tuor hnungin inhriettirna tamtakin hringin ân entir a, ni sâwmli zet an kuomah ân lâr a, Pathien ram thu a hril hlak.