JOHAN 20:21 - Pathien Lekhabu Inthieng (BSI)

²¹ Chun, Isûn an kuomah, “In chungah thlamuongna um raw se, Pain kei a mi tir ang bawkin ka tir cheu hi,” a ti nâwk a.

JOHAN 20:21 Iomraidhean Croise

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

MATTHAI 10:40

“Tukhawm a lâwm cheu chu a mi lâwm a na, tukhawm a mi lâwm chu, a mi tirtu lâwm a nih.

LUKA 24:36

Chun, chuong thu chu an hril laiin ama ngei chu anni lai a hung ngîr a, [an kuomah, “In chungah thlamuongna um raw se,” a ta.]

JOHAN 13:20

Titakzetin, titakzetin ka hril cheu hi, tûkhawm ka itir taphawt lâwm chu, keima mi lâwm a nih; tûkhawm kei mi lâwm chu a mi tirtu lâwm a nih,” a ta.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

JOHAN 20:19

Chun, chu ni, ni saria ni hmasatakah, khuo a hung inhnu chun, Judahai ṭi leia inchûktirhai umna kawtkhârhai chu khâr a ni hnungin, Isu anni lai a hung ngîr a, an kuomah, “In chungah thlamuongna um raw se,” a ta.

JOHAN 20:22

Chun, chuong thu chu a hril zoin, an chungah ân thuok a, an kuomah, “Thlarau Inthieng nei ro,

JOHAN 20:26

Chun, ni riet hnungah, a inchûktirhai chu in sûngah an um nâwk a, Thoma khawm an kuomah a um ve a. Chun, Isu a hung a, kawthai chu khâr a ni si a, anni lai a hung ngîr ta a, an kuomah, “In chungah thlamuongna um raw se,” a ta.

JOHAN 3:17

Khawvêl thiemnaw inchangtir dingin Pathienin a Nau khawvêlah a tir nawh, khawvêl ama leia an dam theina dingin a tir a ni lem.

THILTHAWHAI 1:2

Thlarau Inthieng ṭhangpuia a tirko thlanghai kuoma thu a tiem zoa, vân tienga ṭhuoia a um ni chena thu kha.

THILTHAWHAI 1:8

Nisienlakhawm, Thlarau Inthieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

2 TIMOTHE 2:2

Chun, hretu tamtakhai laia ka bâua thu i hriethai kha, chuong chu, mi ringum, mi danghai inchûktir sâwng thei dinghai kuoma chun inkawltir rawh.

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

3 JOHAN 1:14

sâwtnawtê hnunga hmu che ka beisei lem a, chuongchun, inhmatuoin inbieng ei tih.