JOHAN 20:17 - Pathien Lekhabu Inthieng (BSI)

¹⁷ Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

JOHAN 20:17 Iomraidhean Croise

2 LALHAI 4:29

Chun, ama chun Gehazi kuoma chun, “I dier kei ṭha la, i kutah ka hmawl kha chawi la fe raw khai; mi tukhawm în tuokpui chun chibai bûk naw la, chun, tukhawma chibai an bûk che khawma bûk thung naw rawh; chun, ka hmawl hi naupang hmai chunga chun innghat rawh,” a ta.

2 LALHAI 7:9

A nakie chun, “Ei sukdik naw tawp el a, vawisûn hi chanchin lâwmum intlun ni a nih, eini hi ei to zing el a; khawvar ei nghâk chun hrem tuok el ei tih, chuongchun, thaw ta u, lal sûnghai va hril ei tiu,” tiin an inbiek a.

INPÂKNA HLABU 22:22

Ka unauhai kuomah i hming hril ka ta, Inkhâwmhai laia chun inpâk ka ti che.

INPÂKNA HLABU 43:4

Chuongchun, Pathien maichâm kâwlah fêng ka ta, Pathien ka hlimna bêk bêk kuoma chun: Aw Pathien, ka Pathien, ṭingṭangin inpâk bawk ka ti che.

INPÂKNA HLABU 48:14

Hi Pathien hi kumkhawtluonga ei Pathien a ni ding a ni si a, Thi chen khawma a mi ṭhuoitu ning a tih.

INPÂKNA HLABU 68:18

Nang chu chungtieng i hang fe a, i manhai chu salah i ṭhuoi a, Mihriemhai lai chun thilpêkhai i dawng a, Anih, helhmanghai lai khawm, Lalpa Pathien chu an kuoma a um theina dingin.

INPÂKNA HLABU 89:26

Ama chun, ‘Nang chu ka pa, Ka Pathien, ka insandamna lungpui i nih,’ tiin mi ko a tih.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, Lalpa chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 32:38

anni chu ka mihai nîng an ta, kei khawm an Pathien nîng ka tih;

EZEKIEL 36:28

In thlatuhai kuoma ram ka pêka chun chêng in ta, nangni chu ka mihai nîng in ta, kei khawm in Pathien nîng ka tih.

EZEKIEL 37:27

Ka biekbûk khawm chu anni lai chun um a ta, an Pathien nîng ka ta, anni chu ka mihai nîng an tih.

MATTHAI 12:50

Tukhawm ka Pa vâna mi dit zâwng thaw taphawt chu, ka unau le, ka farnu le, ka nuhai an nih in sawnnaw,” a ta.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 28:7

Chun, fe vak unla, a inchûktirhai kuomah, ‘Mithi laia inthawkin a thonâwk ta a nih, ngai ta u, Galili ramah in hmaah a fe, chutaka chun ama chu hmûng in tih,’ tiin hril ro. Ngai ta u, ka hril ta cheu hi,” a ta.

MARKA 12:26

Chun, mithihai keithoa an um ding thu chu, Mosie lekhabua chîmbuk thua khan Pathienin ‘Kei Abraham Pathien, Isak Pathien, Jakob Pathien ka nih,’ tia a biekzie kha in tiem naw am a nih?

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um ta a, Pathien changtieng a hang ṭhung ta a.

LUKA 10:4

Tangka ip dâm, mansa dâm, kekawk dâm, chawi naw ro, lampuiah tukhawm chibai bûk naw ro.

JOHAN 13:1

Chun, Fekân Ruoiṭhe hmain Isûn hi khawvêl hi suok sana, Pa kuoma a fe hun a tlung tah ti a hriet a. Amaa mi khawvêla um a hmangai hlakhai chu, a tâwp chen khawmin a hmangai zing a.

JOHAN 13:3

Isûn Pain a kuta thil iengkim ân kawltir dâm, Pathien kuoma inthawka hung suok a ni dâm, Pathien kuoma a fe ding dâm hre zingin,

JOHAN 14:2

Ka Pa inah umna tamtak a um a, a um naw chun ka hril ta ding cheu a nih; in ta dingin hmun siemin ka fe ding a nih.

JOHAN 14:28

‘Ka fe hmang ding a na, in kuomah hung nâwk ka tih’, ka tizie cheu kha in hriet tah. Nangnîn mi hmangai ni unla Pa kuoma ka fe ding a ni leiin in lâwm ding a nih; Pa chu keia nêkin a ropui lem si a.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 16:28

Kei Pa kuoma inthawka hung suok a, khawvêla hung ka nih; khawvêl fe san a, Pa kuoma fe nâwk ding ka nih,” a ta.

JOHAN 17:11

Chun, kei chu khawvêlah um ta naw ning, hienghai hi chu khawvêlah um an tih, kei chu i kuomah ka hung ding a ni tah. Pa Inthieng, anni chu I hmingin hum rawh, I hming mi pêk khan, eini ang bawka pumkhat an ni theina dingin.

JOHAN 17:25

Aw Pa feltak, khawvêl chun an hriet naw che a, kei ruok chun ka hriet che kha, hienghai khawm hin nangin kei i mi tir ti an hriet kha.

JOHAN 17:5

Aw Pa, khawvêl um hmaa i kuoma mawina ka inei khan, tuhin nangma kuoma ngei mi chawimawi rawh.

JOHAN 20:27

Chun, Thoma kuoma chun, “I kut pârin hang them la, ka kuthai en rawh; i kut hang ban la, ka nak pur rawh; ring lovin um naw la, ring el rawh,” a ta.

JOHAN 7:33

Chun, Isûn “Sâwt nawtê in kuomah la um hri phawt ka ta, chun a mi tirtu kuomah fêng ka tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29

A hrietlâwkhai chu ama Naupa ang taka um dingin a ruot lâwk si a, a Naupa chu unau tamtak laia nau lutîr a hung ni theina dingin.

2 KORINTH 6:18

In ta dingin Pa nîng ka ta, Nangni khawm keia ta dingin naunu naupa ning in tih,” Lalpa iengkimthawthei chun a tih.

GALATI 3:26

Isu Krista ring leiin Pathien nauhai in ni vawng si a.

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta si a.

HEBRAIHAI 8:10

Chuong ni hnunga chun Israel sûnghai kuoma Thu ka thlung ding chu hieng hi a nih, Lalpain a tih; An lungrilah ka thupêkhai sieng ka ta, An lungrilah ziek bawk ka ta; Chun, anni ta dingin Pathien nîng ka ta, Keia ta dingin anni chu ka mihai ni bawk an tih:

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.