JOHAN 20:16 - Pathien Lekhabu Inthieng (BSI)

¹⁶ Isûn a kuomah, “Mari,” a ti a. Ama chu a ngha a, a kuomah, Hebrai ṭawngin, “Rabboni,” a ta; (chu chu Inchûktirtu tina a nih.)

JOHAN 20:16 Iomraidhean Croise

INṬANNA 22:1

Chuong thil hnunga chun Pathienin Abraham chu a fie a, a kuomah, “Abraham” a ta. Ama chun, “Hitaka hi ka um” a ta.

INṬANNA 22:11

Nisienlakhawm, Lalpa vântirkoin vâna inthawkin ama chu a zuk ko a, “Abraham, Abraham,” a zuk ti a; ama chun, “Hitaka hi ka um,” a ta.

INṬANNA 45:12

Tuhin nangni mit ngei le, ka sangpa Benjamin mit ngeiin, keia bau ngeiin a hril ti in hmu hi.

FESUOKNA 3:4

Lalpa chun chu en dinga a va hnai a hmu chun, chîmbuk laia inthawk chun Pathienin ama chu, “Mosie, Mosie,” tiin a hung ko a.

FESUOKNA 33:17

Lalpa chun Mosie kuomah, “I hril ang tak chun thâwng ka tih: hmingin ka hriet che a, ka lunginsietna chu i hmu ta si a,” a ti a.

HLAHAI HLA 3:4

Anni ka fe khêl hnung sâwt nawtêah, Ka thlain a hmangai chu ka hmu a. Ama chu ka chel a, kân fetir ta naw a; Ka nu inah ka hung ṭhuoi a, Kei a mi neitunu pindana ka hung ṭhuoi lût hmakhat chun.

HLAHAI HLA 5:2

Ka lo in a, ka lung ruok chu a har a, Chu! ka hmangaitak chu a hung nâwk ie, “Mi hung hawngpêk rawh, ka farnu, ka hmangai, ka vaṭhu, ka ṭha famkim; Ka lu chu daidâwin a sukhu a, Ka sam chu zân hnâwngin,” tiin.

ISAI 43:1

Tu ruok hin chu aw Jakob rawihai, Lalpa nangni siemtu le, aw Israel rawihai, nangni inngîrtirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

MATTHAI 14:27

Nisienlakhawm, Isûn anni chu a biek nghâl ta a, “Lungmuongtakin um ro, kei ka ni annâwm, ṭi naw ro,” a ta.

MARKA 10:51

Chun, Isûn ama chu a lo biek a, “I chungah ieng ang am ka thaw i nuom a?” a ta. Chun, mitdel chun a kuomah, “Rabboni, hmu thei ka nuom,” a ta.

LUKA 10:41

Chun, Lalpain, “Martha, Martha, thil tamtak i ngaituoa i buoi a ni hi,

JOHAN 1:38

Chun, Isu a ngha a, an hung zui chu a hmu a, an kuomah, “Ieng am in zawng a?” a ta. Anni chun, “Rabbi, (chu chu inchûktirtu tina a nih), khâwlai am i um a?” an ta.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 10:3

Kawtkhâr vêngtuin ama chu a lo hawng pêk hlak a; berâmhaiin a râwl an hriet hlak a; ama berâmhai chu an hmingin a ko seng a, a ṭhuoi suok hlak a.

JOHAN 11:28

Chun, chu thu chu a hril zo phingleh a fe a, a zuorpuinu Mari chu arûkin a va ko a, “Inchûktirtu hitakah a um a, a ko che,” a ta.

JOHAN 13:13

Nangnîn Inchûktirtu le Lalpa in mi ti hlak; in ti indik hle, ka ni ngei hrim a.

JOHAN 20:28

Thoman a kuomah ,“Ka Lalpa le ka Pathien i nih,” a ta, a dawn a.

JOHAN 3:2

ama chu zânah Isu kuomah a hung a, a kuomah, “Rabbi, Pathiena inthawka inchûktirtua hung i ni ti kan hriet; Pathien an chungah a um naw chun hieng thilmak i thawhai hi tukhawmin thaw thei naw ni hai,” a ta.

JOHAN 5:2

Chun, Jerusalema chun berâm kawtkhâr kâwlah dîl a um a, chu chu Hebrai ṭawngin Bethesda an ti a, tuolpûk panga a nei a.

JOHAN 6:25

Chun, dîl râla an hung hmu chun a kuomah, “Rabbi, iengtik am hi tieng i lo tlung a?” an ti a.

THILTHAWHAI 10:3

Chawhnung dâr thum vêlah inlârnain chiengtakin a hmu a; Pathien vântirko pakhat a kuomah a hung a, “Korneli” a hung ti a.

THILTHAWHAI 9:4

Chun, hnuoiah a tlu a, a kuomah, “Saula, Saula, nangin iengdinga i mi suknawmna am a na?” tiin rawl a hriet a.

1 SAMUEL 3:10

Chun, Lalpa chu a hung a, a hung ngîr a, a hmaa a ko ang khan, “Samuel, Samuel,” tiin a ko nâwk a. Chuongchun, Samuel chun, “Thu hril rawh, I siehlaw hin a ngai zing,” a ta.

1 SAMUEL 3:6

Chun, Lalpa chun Samuel chu a ko nâwk a. Samuel chu a tho a, Eli kuoma chun a feh a, “Hitaka hi ka um, i mi ko a,” a ta. Ama chun a dawn a, “Ka ko naw che ie, ka naupa, va zâl nâwk ta rawh,” a ta.