JOHAN 20:15 - Pathien Lekhabu Inthieng (BSI)

¹⁵ Isûn a kuomah, “Nuhmei, iengdinga i ṭap am? Tû am i zawng a?” a ta. Ama chun huon enkawltu amanih a ti a, a kuomah, “Pu, ama hitaka inthawka i fepui a ni chun i siena chin mi hril rawh, chuongchun lâng ka tih,” a ta.

JOHAN 20:15 Iomraidhean Croise

HLAHAI HLA 3:2

“Tuhin tho ka ta, khawpui chu fang vêl ka ta, Kawtthlêrhaia le lamlienhaia chun, Ka thlain a hmangai chu zawng ka tih” ka ti a. Ama chu ka zawng a, ka hmu naw a.

HLAHAI HLA 6:1

Khâw tieng am i hmangaitak chu a fe ta a, Aw nang nuhmei laia hmêlṭha tak? I hmangaitak chu khâwtieng am ân her ta a, Nang leh ama chu kan zawngpui theina ding chein?

MATTHAI 12:34

Rûl thlahai, nangnîn suol zing pumin, iengtin am thu ṭha hril thei in ta? Lungrila sip liem chu bauin a hril hlak in sawnnaw.

MATTHAI 28:5

Chun, vântirko chun nuhmeihai chu a biek a, an kuomah, “Nangni chu ṭi naw ro! Isu an hemde kha in zawng ti ka hriet!

MARKA 16:6

Chuongchun, ama chun an kuomah, “Lunginzing naw ro, Isu Nazareth mi, an hemde kha in zawng a ni âwm a, a thonâwk ta a, hi hin a um ta nawh; en ta u, an inzâlna hi.

LUKA 2:44

An intlawnpuihai lai a um ve zing amanih an ta, ni khat lam zet an fe ta a, an laibunghai le an hmêlhriethai lai an zawng a.

LUKA 24:5

chun, an ṭi a, an hmaia hnuoi an sik el lai chun, anni chun an kuomah, “Iengdinga mithi laia mi dâm in zawng am?

JOHAN 1:38

Chun, Isu a ngha a, an hung zui chu a hmu a, an kuomah, “Ieng am in zawng a?” a ta. Anni chun, “Rabbi, (chu chu inchûktirtu tina a nih), khâwlai am i um a?” an ta.

JOHAN 18:4

Isûn a chunga thil tlung ding po po chu a hriet zing a, a va suok a, an kuomah, “Tu am in zawng a?” a ta.

JOHAN 18:7

Isu chun an kuomah, “Tu am in zawng a?” a ti nâwk a. Anni chun, “Nazareth Isu,” an ta.

JOHAN 20:13

Anni chun a kuomah, “Nuhmei, iengdinga i ṭap am?” an ta. Ama chun an kuomah, “Ka Lalpa an fehmangpui a, an siena chin ka hriet naw leiin,” a ta.

1 SAMUEL 1:16

I suoknu hi Belial naunuah inbûk naw raw khai; ka lungrila sip liem ka lungninawna le ka lungngaina ka hril a ni hi,” a ta.