JOHAN 20:12 - Pathien Lekhabu Inthieng (BSI)

¹² chun, vântirko pahni puon vâr silin, Isu ruong inzâlna hmuna chun, pakhat a lu tieng, pakhat a ke tienga ṭhung a hmu a.

JOHAN 20:12 Iomraidhean Croise

2 CHANCHIN SUINA 5:12

Levi mi chutaka hla saktuhai khawm chu an rêngin, Asaph hai, Heman hai, Jeduthun hai, an naupasalhai le an unauhai leh puon zai inhmi puona inthuomin, perkhuong leh, ṭingṭang leh dârbenthekhai leh maichâm tâwp saktieng panga chun an ngîr a; anni lai chun thiempu za le sâwmhni tawtawrâwt mûttuhai an um bawk a):

DANIEL 7:9

Ka en zing a. Lalṭhungphahai dâwin a um a, Tienlai mi pakhat hi a hung ṭhung tah a, A silfên chu vûr angin a vâr a, A lua sam chu sahmul inthiengtak ang a nih. A lalṭhungpha chu meichawk ṭiumtak a na, A kekuolhai chu meichawklai a nih.

MATTHAI 17:2

an hmaa chun a hmêl umzie chu a hung danglam ta a; a hmai nisa angin a hung var a; a silfênhai chu vûr angin a hung vâr ta a.

THILTHAWHAI 1:10

Chun, a hang fe laia vân tieng an en zing laiin, mi pahni puon vâr silin an kâwlah an hung ngîr a.

THUPUONGSUO 3:4

Nisienlakhawm, Sardisa khan an puonhai sukthiengnaw naw hming tlâwmtê i nei a nih; anni chu puon vâr silin ka kuomah lêng ve hlak an tih; chuong ang thaw tlâk an ni si a.

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hienghai hi rinum nasataka inthawka suokhai kha an nih, an silfenhai Berâmte thisena sâwpin an sukvâr ta a.