JOHAN 2:18 - Pathien Lekhabu Inthieng (BSI)

¹⁸ Chun, Judahaiin a kuomah, “Hieng thil i thaw hi inchikna ieng am i mîn hmutir thei a?” tiin ama an in dawn a.

JOHAN 2:18 Iomraidhean Croise

1 LALHAI 13:3

Chun, chu ni ma chun inchikna a pêk a, “Hi hi Lalpain inchikna ding a ti chu a nih, ‘Ngai ta, maichâm hi la kawi phawk a ta, a chunga meivâmhai hi lân baw vawng a tih,’ ti hi,” tiin.

FESUOKNA 7:9

“Pharao chun, ‘Thilmak chu hang inentir ta u le,’ a ti pha cheu chun, Aron kuomah, ‘I hmawl la la, Pharao hmaah pei thla rawh,’ tîng i ta; chun, rûlin inchang a tih,” a ti a.

MATTHAI 21:23

Chun, Pathien biekina a lût hnunga ân chûktir lai chun, thiempu lalhai le vântlâng upahai chu a kuomah an hung a, “Tu thuin am hieng thil hi i thaw a? Tuin am thu a pêk che a?” an ta.

MARKA 8:11

Chun, Pharisaihai an hung a, ama fiena dingin amaa vâna inthawka inchikna zawngin ama chu an sêl ta a.

LUKA 11:29

Chun, mipuihai chu a kuoma an hung inkhâwm laiin Isûn, “Tulai ruoltharhai hi ruolthar suoltak an nih; inchikna an zawng a; nisienlakhawm, Jona inchikna chau naw chu an kuomah inchikna hrim hrim pêk ni naw ni.

JOHAN 1:19

Chun, Judahaiin, “Tû am i na?” tia indawn dingin Jerusalema inthawkin a kuomah thiempuhai le Levi chia mihai an tir lai khan, hieng hi Johan thu lo inhriettir chu a nih:

JOHAN 1:25

Anni chun a kuomah, “Krista bêk, Elija bêk, zâwlnei amani bêk i ni si naw chun, iengdinga i baptis hlak am a na?” an ta, an indawn a.

JOHAN 6:30

Anni chun a kuomah, “Inchikna ieng am thâwng i ta, kan hmua kan ring theina ding chein? Thil ieng am thâwng i ta?

THILTHAWHAI 4:7

Chun, Peter le Johan chu a laiah an inngîrtir a, “Ieng thuneinain am, tu hmingin am hieng hi in thaw a?” an ta, an indawn a.

THILTHAWHAI 5:28

“Hi hming hin inchûktir lo ding kan ti tlat ta cheu kha; hre ro, in thu inchûktirin Jerusalem in suksip vawng ta hi; hi mipa thisen maw hi mîn phurtir ṭâl in tum a ni hi,” tiin a suosal a.