JOHAN 2:12 - Pathien Lekhabu Inthieng (BSI)

¹² Chun, chu hnunga chun, Kapernaumah a zu fe a, ama le a nu leh, a unauhai le, a închûktirhai leh; chutaka chun ni sâwt nawtê an um a.

JOHAN 2:12 Iomraidhean Croise

MATTHAI 11:23

Chun, nang Kapernaum, vân chena chawimawi i ni ding am a nih? Mithi khuo chenin i zu fe ding i sawnnaw. Nangmaa thilmak thawa umhai kha Sodoma thaw ni sienla, tu chen hin la um zing a tih.

MATTHAI 12:46

Mipuihai kuoma thu a la hril lai chun, ngai ta, a nu le a unauhai chu ama biek tumin tuolah an ngîr a.

MATTHAI 4:13

chun, Nazareth a mâksan a, Kapernaumah a um ta zing a, chu chu Zebulun le Naphtali biela dil panga um a nih:

MARKA 6:3

Hi mipa hi Mari naupa, Jakob hai, Jose hai, Juda hai, Simon hairawi unaupa, thingrem siemtu kha a ni naw am a nih? A farnuhai khawm hitaka ei kuoma um an ni nâwm a nih?” an ta, mak an ti hle a. Chuongchun, a chungah an lungni ta naw a.

JOHAN 2:2

Isu le a închûktirhai khawm inneinaa chun an fiel a.

JOHAN 4:46

Chun, Galili rama Kana khuo, tui uoina ân changtirna kha a hung tlung nâwk a. Chun, upa tû amanih a um a, a naupa Kapernaumah a damnaw a.

JOHAN 6:17

Lawngah an chuong a, dîla chun Kapernaum an pan a. Khuo a hung inthim ta a, Isu hlak chu an kuom a la tlung si nawh.

1 KORINTH 9:5

Tirko danghai le Lalpa unauhai le, Kipha ang khan ringtu nuhmei ṭhuoi vêl dingin

GALATI 1:19

Tirko danghai ruok chu, Lalpa unau Jakob chau naw chu, tûkhawm ka hmu naw a.