JOHAN 2:10 - Pathien Lekhabu Inthieng (BSI)

¹⁰ a kuomah, “Mi tinin a tirin uoin ṭha an sie suok hlak, chun, a tam deu an dâwn hnungin a ṭha naw deu chu an sie suok hlak, nang ruok chun tu chen hin uoin ṭha i la nei zing a,” a ta.

JOHAN 2:10 Iomraidhean Croise

INṬANNA 43:34

Chun, Josef chun a kuoma chanvohai chu an kuomah ân hlân sâwngtir pei a. Benjamin chanvo lem chu an chanvo po po nêkin a lêtngain a tam lem a. Chun, uoin dâm an dâwn a, ama rawi chun an hlim ta hle a.

INPÂKNA HLABU 104:15

Mihriem lungril suklâwmna uoin leh, A hmai suktlawrna ding hriek leh, Mihriem lungril sukhrâtna bei leh.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Aw ruolhai, fa ta u, Dâwn unla, dâwn ṭeu ro aw hmangaitak.

MATTHAI 24:49

a suok chanpuihai lo vaw ta sienla, mi inruihai kuomah fain dâwn sienla,

LUKA 12:45

Amiruokchu, chu suok chun, a lungrilin ‘Ka pu hung vak naw ni,’ tiin suoknuhai, suokpahai lo vaw sienla, fain dâwnin lo inrui ta sienla;

LUKA 16:25

“Nisienlakhawm, Abrahamin, ‘Ka naupa, i dam lai khan thil ṭha i hmu a, chuong ang bawkin Lazarin thil ṭha naw a hmu kha hre zing ta la; nisienlakhawm, ama chu tuhin hitaka hin thlamuongtakin a um a, nang chu i na a ni kha.

THILTHAWHAI 2:15

Hienghai hi in ring angin an inrui nawh, vairik chau a la ni hi.

1 KORINTH 11:21

Fâk hun a tlung pha leh, mi tinin mani bu seng in lo fâk el hlak si a, chuongchun pakhat phîngṭâmin a um a, pakhat ân rui hlak.

EPHESI 5:18

Chun, uoin inruiin um naw ro, chutaka chun insûm nawna a um si a; Thlaraua sipin um lem ro.

1 THESSALONIKA 5:7

A inhai chu zânah a nih an in hlak chu, zu inruihai khawm zânah a nih an inrui hlak chu.

THUPUONGSUO 17:2

Hnuoia lalhai chun ama chu an dit hlak a, hnuoia umhai khawm chu a mi dit chîngna uoin chun vai ruiin an um hlak,” a ta.

THUPUONGSUO 17:6

Chun, chu nuhmei chu mi inthienghai thisen le Isu martarhai thisena inruiin ka hmu a. Ka hmu phingleh mak ka ti bêk bêk a.