JOHAN 19:7 - Pathien Lekhabu Inthieng (BSI)

⁷ Judahai chun a kuomah, “Kan dân kawng khat a um, chu dân ang peiin Pathien Naua ân siem leiin, a thi ding a nih,” an ta, an dawn a.

JOHAN 19:7 Iomraidhean Croise

ISAI 53:4

Ama chun ei natnahai phurin, ei lungngainahai khawm a phur ngei a; nisienlakhawm,eini chun lungngaina ivurkhumah, Pathien vuokah, sukrinumah, ei ngai si a.

LEVI DÂN 24:16

Chun, Lalpa hming hrilsetu taphawt chu sukhlum ngei ding a nih; mi po poin lungin dêng an ta; Lalpa hming an hrilsiet chun ram dang mi khawm, a ram mi khawm sukhlum ding an nih.

MARKA 15:39

Chun, a hmaa sipai za hotu ngîr chun, a thlarau chuonga ân thla a hmu chun, “Hi mipa hi Pathien Naupa a ni ngei el,” a ta.

JOHAN 19:8

Pilatin chu thu chu a hrietin a ṭi nâwk zuol a;

JOHAN 5:18

Chun, Judahaiin sukhlum an tum nâwk zuol a, Châwlni a bawsiet lei chau khawm a ni naw a, Pathien ama paah ân bûk a, Pathien tluka ân siem lei khawmin a nih.

THILTHAWHAI 18:13

“Hi mipa hrep hin Dân naw anga Pathien be dingin mi a thlêmthlûk hlak a nih,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:4

inthiengna Thlarau tieng thua ruok chun mithi laia inthawka a thonâwkna chun Pathien Nau a ni zie thilthawtheina nasatakin ân hriettir a;

DÂN PAHNINA 18:20

Ka hminga hril dinga ka pêk naw hril luitu zâwlnei amanih, pathien danghai hminga thuhriltu zâwlnei amanih, chu zâwlnei chu sukhlum ding a nih,’